Saçların ağarması yalnız yaşla bağlı deyil - Yeni araşdırma
Tokio Universitetinin tədqiqatçıları maraqlı bioloji proses müəyyən ediblər: saçların piqmentini itirməsi DNT zədələnməsinə qarşı qoruyucu mexanizmlərdən biri ola bilər.
Qaynarinfo xəbər verir ki, "Libertatea" nəşrinin yazdığına görə, yapon alimlərindən ibarət qrup siçanların saç follikullarında yerləşən kök hüceyrələrin davranışını araşdırıb. Müşahidələr göstərib ki, DNT zədələndiyi zaman bu hüceyrələr regenerasiya prosesini dayandırır və diferensiasiya olunmuş hüceyrələrə çevrilirlər. Bu proses isə saçların ağarmasına gətirib çıxarır.
"Qocalma ilə əlaqəli diferensiasiya" adlandırılan bu reaksiya zədələnmiş hüceyrələrin bölünməsini dayandıraraq şişlərin yaranma riskini azaldır.
Tədqiqatın həmmüəllifi, professor Emi Nisimura bildirib:
"Eyni kök hüceyrə populyasiyası stressin növündən və mikromühitdən gələn siqnallardan asılı olaraq tamamilə fərqli talelərlə üzləşə bilər - ya tükənə, ya da çoxala bilər".
Tədqiqatçıların sözlərinə görə, ağ saçların yaranması və melanoma riskinin artması genetik zədələnməyə cavab olaraq aktivləşən eyni hüceyrə mexanizminin fərqli nəticələridir.
Ağ saçların yaranması müsbət əlamət ola bilər
Araşdırma həmçinin göstərib ki, müəyyən kanserogen maddələrin təsiri altında bəzi hüceyrələr bu prosesdən yayınmağı bacarır. Belə hallarda onlar regenerasiya qabiliyyətini qoruyub saxlasalar da, nəzarətsiz çoxalma riski artır. Bu isə saçların qocalması ilə onkoloji xəstəliklərin qarşısının alınması arasında çox incə bir tarazlığın mövcud olduğunu göstərir.
Beləliklə, saçların ağarması bəzən orqanizmin qoruyucu mexanizmlərinin düzgün işlədiyinin göstəricisi ola bilər.
Tədqiqat heyvanlar üzərində aparılsa da, əldə olunan nəticələr insan orqanizmində baş verən bioloji proseslərin daha yaxşı anlaşılmasına kömək edir.
Alimlər vurğulayırlar:
"Nəticələrimiz ağ saçların xərçəng xəstəliklərinin qarşısını aldığını göstərmir. Bu, sadəcə olaraq orqanizmin DNT zədələnməsinə verdiyi adaptiv reaksiyanı əks etdirir".
Mütəxəssislərin fikrincə, bu kəşf gələcəkdə regenerativ tibb və onkoloji profilaktika sahələrində yeni metodların hazırlanmasına töhfə verə bilər.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Netanyahunun sosial şəbəkə hesablarına kiberhücum oldu - FOTO
Azərbaycan-Böyük Britaniya: regional sabitlik və qlobal əməkdaşlıq perspektivləri
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi