Ad günü sürprizi qanla bitdi: Əlində tort olan şəxs silahlı hücuma məruz qaldı - VİDEO

Türkiyənin Antalya şəhərinin Serik rayonunda həyat yoldaşına ad günü sürprizi etmək istəyən kişi silahlı hücuma məruz qalıb.

Sonxeber.az xarici mediaya istinadla xəbər verir ki, hadisə ötən bazar ertəsi axşam saatlarında baş verib. Məlumata görə, Mehmet Kadir E. həyat yoldaşına sürpriz etmək üçün bir gün əvvəl sifariş etdiyi ad günü tortunu götürərək avtomobilinə doğru gedib. Bu zaman arxadan yaxınlaşan şəxs ona tapança ilə atəş açıb. Ayağından yaralanan Mehmet Kadir E. yerə yıxılıb, əlindəki tort isə yola düşüb.

Hadisə şahidlərinin sözlərinə görə, hücum edən şəxs atəş açdıqdan sonra hadisə yerindən qaçaraq uzaqlaşıb. Əraziyə polis və təcili tibbi yardım əməkdaşları cəlb olunub. Ağır yaralanan Mehmet Kadir E. ilkin tibbi yardımdan sonra Serik Dövlət Xəstəxanasına aparılıb.

Yaralı şəxs bildirib ki, hücumu törədən şəxslə əvvəldən aralarında ədavət olub. Onun sözlərinə görə, həmin gün həyat yoldaşı üçün aldıqları tortu birlikdə yeyə bilməyiblər və bu hadisə ad günü sürprizini faciəyə çevirib.

Hadisə zamanı Mehmet Kadir E.-nin həyat yoldaşı N.E. də hücumçunun özünə tərəf atəş açdığını bildirib. O, silahlı şəxsin arxasınca qaçdığını, bunu cəsarət göstərmək üçün deyil, hücumun davam etməsinin qarşısını almaq və həyat yoldaşını qorumaq məqsədilə etdiyini deyib.

Polis hadisəni törədən şəxsin saxlanılması istiqamətində araşdırmaları davam etdirir.

Telegramda izləyin