Ata və qızın bu dialoqu sosial şəbəkələrdə geniş müzakirələrə səbəb oldu - VİDEO

Sosial şəbəkələrdə yayılan ata-qız dialoqu geniş müzakirələrə yol açıb. Gənc qızın atasına ünvanladığı sadə sual qısa müddətdə ailədaxili münasibətlər, hörmət və əxlaq anlayışı ilə bağlı fərqli fikirlərin ortaya çıxmasına səbəb olub.

Sonxeber.az xarici mediaya istinadla xəbər verir ki, paylaşılan görüntülərdə gənc qız atasına yaxınlaşaraq, "Məni sevirsən? Ən çox hansı qızını sevirsən?" suallarını verir. Atanın "Heç birinizi sevmirəm" cavabı isə həm qızın, həm də videonu izləyənlərin diqqətini çəkib.

Qızının təəccüblə "Niyə?" sualını verməsindən sonra ata bu fikrini qızlarının davranışları ilə əlaqələndirib. O, övladlarının bəzi hərəkətlərini bəyənmədiyini bildirərək, atasının yanında müəyyən davranış qaydalarına riayət edilməsinin vacib olduğunu vurğulayıb.

Qısa müddətdə viral olan video sosial şəbəkə istifadəçilərini iki düşərgəyə bölüb. Bir qrup istifadəçi valideynlərə qarşı hörmət və davranış qaydalarının qorunmasının vacibliyini qeyd edərək atanın fikirlərini müdafiə edib.

Digər qrup isə atanın istifadə etdiyi ifadələrin sərt və incidici olduğunu bildirib. Onların fikrincə, valideyn sevgisi müəyyən şərtlərlə ölçülməməli, tənqidlər isə daha yumşaq və konstruktiv formada ifadə edilməlidir.

Video sosial şəbəkələrdə ailədaxili münasibətlər və valideyn-övlad ünsiyyəti ilə bağlı geniş müzakirələrin yaranmasına səbəb olub.

Telegramda izləyin