Leysan və dolu həyatı iflic etdi: küçələrdə gölməçələr yarandı -VİDEO

Türkiyənin paytaxtı Ankara şəhərində axşam saatlarında müşahidə olunan güclü leysan və dolu yağışı gündəlik həyata mənfi təsir göstərib.

Sonxeber.az türk mediasına istinadən xəbər verir ki, yağıntılar nəticəsində şəhərin bir sıra küçə və prospektlərində gölməçələr əmələ gəlib. Sürücülər yollarda hərəkət etməkdə çətinlik çəkib. Nəqliyyatın hərəkətində də ləngimələr qeydə alınıb.

Güclü yağışdan qorunmağa çalışan sakinlər qapalı məkanlara sığınıblar. Sel sularının yaratdığı fəsadlar arasında diqqət çəkən məqamlardan biri isə bir avtomobilin ön bamperinin su axını ilə sürüklənməsi olub. Həmin anlar ətrafdakı şəxslər tərəfindən lentə alınaraq sosial şəbəkələrdə yayılıb.

Aidiyyəti qurumlar yağıntıların yaratdığı fəsadların aradan qaldırılması istiqamətində tədbirlər görür.

Telegramda izləyin