Müştərinin yükdaşıma şirkətinə təşəkkür videosu müzakirələrə səbəb oldu: "Səmimiyyət", yoxsa..."? - VİDEO

Daşınma xidmətindən razı qalan bir qadının yükdaşıma şirkətinin əməkdaşları ilə çəkdirdiyi təşəkkür videosu sosial şəbəkələrdə geniş müzakirələrə yol açıb.

Sonxeber.az xarici mediaya istinadla xəbər verir ki, görüntülərdə qadının iki əməkdaşın arasında əyləşərək onların peşəkarlığını təriflədiyi və xidmətlərindən məmnun qaldığını bildirdiyi görünür. O, "30 ildir ev dəyişirəm, ilk dəfədir ki, bu qədər rahat köçmüşəm. Çox sağ olun, yaxşı ki, varsınız" sözləri ilə gənclərə təşəkkür edib.

Lakin videonun diqqət çəkən məqamı qadının danışarkən hər iki əməkdaşın ayağına əlini qoyması olub. Məhz bu detal sosial şəbəkə istifadəçilərini iki düşərgəyə bölüb.

Bir qrup istifadəçi qadının davranışını səmimi və ana qayğısının ifadəsi kimi qiymətləndirərək burada heç bir mənfi niyyət görmədiklərini bildirib. Digər qrup isə şəxsi sərhədlərin qorunmasının vacibliyini vurğulayaraq bu cür təmasın peşəkar mühit üçün uyğun olmadığını qeyd edib.

Müzakirələrdə ən çox səslənən fikirlərdən biri isə "əgər tərəflərin cinsiyyəti fərqli olsaydı, reaksiyalar necə olardı?" sualı ətrafında formalaşıb.

Telegramda izləyin