Balıqçı limanında dənizə düşən şəxs həyatını itirdi

Türkiyənin Hatay vilayətinin Payas rayonunda balıqçı limanında gəzən 60 yaşlı Cengiz Gül dənizə düşərək həyatını itirib.

Sonxeber.az türk mediasına istinadən xəbər verir ki, məlumata görə, hadisə balıqçı limanı ərazisində baş verib. Dənizə düşən şəxsin köməyə ehtiyacı olduğu barədə məlumat daxil olduqdan sonra hadisə yerinə xilasedicilər və dalğıc qrupları cəlb olunub.

Aparılan axtarış-xilasetmə tədbirləri nəticəsində Cengiz Gülün meyiti sudan çıxarılıb.

Hadisənin dəqiq səbəbi və ölümün təfərrüatları məhkəmə-tibbi ekspertizasının nəticələrindən sonra məlum olacaq.

Faktla bağlı araşdırma aparılır.

Telegramda izləyin