Metro dayanacağında maraqlı anlar: "Bəs deyirdiz maşını olmayan kişi ilə evlənmərik" - VİDEO

İstanbulda metro dayanacağında gözləyən sıx sərnişin kütləsinə səslənən motosiklet sürücüsünün sözləri sosial şəbəkələrdə geniş müzakirələrə səbəb olub.

Sonxeber.az xarici mediaya istinadla xəbər verir ki, paytaxtın sıx saatlarında çəkildiyi ehtimal edilən görüntülərdə metro gözləyən çoxsaylı sərnişinlərin olduğu dayanacağın yanından keçən motosiklet sürücüsü diqqət çəkmək üçün onlara müraciət edib. Sürücü xüsusilə qadın sərnişinlərə ünvanladığı ironik ifadələrlə sosial mediada gündəmə gəlib.

Videoda motosikletçi dayanacaqdakı insanlara səslənərək: "Kişilərə heç nə demirəm, amma qadınlar, niyə ayaqüstə gözləyirsiniz? Bir də deyirdiniz ki, maşını olmayan kişi ilə evlənmərik. Səhv deyirəm?" - sözlərini işlədib.

Sürücünün bu çıxışı qarşısında sərnişinlərin təəccübləndiyi müşahidə olunsa da, dayanacaqda gözləyənlər ona hər hansı reaksiya verməyərək sakit şəkildə metronu gözləməyə davam ediblər.

Sosial şəbəkələrdə sürətlə yayılan video qısa müddətdə minlərlə baxış toplayıb. Paylaşımın ardından istifadəçilər arasında həm münasibətlərdə maddi gözləntilər, həm də İstanbulda ictimai nəqliyyatda yaşanan sıxlıq və nəqliyyat problemləri ilə bağlı müzakirələr başlayıb.

Telegramda izləyin