Fransada rekord istilər: 40 nəfər həyatını itirdi

Fransada ölkə üzrə orta temperaturun 29,8 dərəcəyə yüksəlməsi ilə tarixdə qeydə alınan ən isti günlərdən biri yaşanıb. Həddindən artıq istilər səbəbindən 54 bölgədə "qırmızı həyəcan" siqnalı elan olunub.

Sonxeber.az xarici mediaya istinadən xəbər verir ki, məlumata görə, 18 iyun tarixindən etibarən artan temperatur fonunda, əsasən gənclər olmaqla 40 nəfər boğulma nəticəsində həyatını itirib.

İstilik dalğasının təsiri turizm və mədəniyyət obyektlərinə də təsirsiz ötüşməyib. Nəticədə paytaxt Parisdə yerləşən Eyfel Qülləsi və Luvr Muzeyi kimi məşhur məkanlarda iş saatlarında dəyişikliklər edilib.

Rəsmilər əhaliyə günün isti saatlarında açıq havada uzun müddət qalmamağı və təhlükəsizlik qaydalarına əməl etməyi tövsiyə ediblər.

Hadisələrlə bağlı araşdırmalar davam edir.

Telegramda izləyin