Təhlükəsizlik kamerasına düşən insident: ABŞ əsgərlərinə hücum etdi - VİDEO

Cənubi Koreyanın Pyeongtaek şəhərində ABŞ hərbçilərinin iştirakı ilə insident baş verib.

Sonxeber.az türk mediasına istinadən xəbər verir ki, 30 yaşlarında olduğu bildirilən və sərxoş vəziyyətdə olan bir şəxs iki ABŞ əsgərinə hücum edib. Təhlükəsizlik kameraları tərəfindən qeydə alınan görüntülərdə hücum nəticəsində hərbçilərdən birinin aldığı zərbədən sonra yerə yıxıldığı əks olunub. Daha sonra şübhəli digər hərbçiyə də hücum edib.

Hadisə yerinə gələn polis əməkdaşları hücum edən şəxsi saxlayıblar. Faktla bağlı araşdırmalara başlanıldığı bildirilib.

İnsident zamanı hərbçilərin xəsarət alıb-almaması barədə hələlik rəsmi məlumat açıqlanmayıb.

Telegramda izləyin