Yolda gözlənilməz mənzərə: kapotdakı ilan diqqət mərkəzində - VİDEO

Türkiyənin Bursa-Yenişehir avtomobil yolunda qeyri-adi hadisə yaşanıb. Hərəkətdə olan avtomobilin kapotuna yapışan ilan sürücülərin və yoldan keçənlərin diqqətini cəlb edib.

Sonxeber.az türk mediasına istinadən xəbər verir ki, hadisə zamanı ilan güclü küləyə və avtomobilin sürətinə baxmayaraq, kapotun üzərində tarazlığını qoruyaraq kilometrlərlə yol qət edib. Avtomobildə olan şəxslər gözlənilməz mənzərəni mobil telefon kamerası ilə anbaan qeydə alıblar.

Sosial şəbəkələrdə yayılan görüntülər qısa zamanda geniş marağa səbəb olub. Kadrlarda ilanın hərəkət edən avtomobilin kapotundan düşmədən irəlilədiyi aydın görünür.

İlanın daha sonra necə təhlükəsiz şəkildə uzaqlaşdırıldığı barədə məlumat verilməyib.

Telegramda izləyin