Yazda on minlərlə ilan bir anda yerin altından çıxır
Kanadanın Manitoba əyalətində hər il yaz aylarında dünyanın ən maraqlı təbiət hadisələrindən biri baş verir. Təxminən 130 kilometr şimalda, Vinnipeq şəhərinin yaxınlığındakı Narsis ilan yuvalarında on minlərlə ilan eyni vaxtda yerin altından çıxaraq cütləşmə mövsümünə başlayır.
Lent.az xarici mediaya istinadla xəbər verir ki, bu qeyri-adi hadisə hər il aprelin sonu və mayın əvvəlində baş verir və dünyanın ən böyük ilan toplaşmalarından biri hesab olunur.
Həm alimlər, həm də turistlər bu möhtəşəm mənzərəni izləmək üçün bölgəyə axın edirlər. Narsisdəki ilan yuvaları insan əli ilə yaradılmayıb. Onlar əhəngdaşı qatlarında zamanla su eroziyası nəticəsində yaranmış təbii mağara və çat sistemləridir.
Bu yeraltı boşluqlar donma səviyyəsindən aşağıda yerləşdiyinə görə qışın ən sərt dövründə belə temperatur sıfır dərəcədən yuxarı qalır. Bu isə ilanların qışı təhlükəsiz keçirməsi üçün ideal şərait yaradır.
Hava isinməyə başlayan kimi minlərlə ilan yeraltı sığınacaqlarını tərk edir. Əvvəlcə erkək ilanlar yuvaların girişinə toplaşaraq dişiləri gözləyirlər. Dişi ilanlardan biri üzə çıxan kimi onun ətrafını çoxsaylı erkəklər əhatə edir və cütləşmə topu adlandırılan maraqlı görüntü yaranır. Bəzən bir dişinin ətrafında 100-ə qədər erkək ilan toplaşa bilir. Məhz bu səbəbdən Narsis dünyada ilanların müşahidəsi üçün ən çox fotoşəkil çəkilən məkanlardan biri hesab olunur.
Mütəxəssislərin hesablamalarına görə, bəzi illərdə pik dövrdə bu ərazidə 70 mindən 100 minə qədər ilan toplaşa bilir. Burada əsasən adi bağ ilanının qırmızıyanlı yarımnövü yaşayır. Bu ilanlar insanlar üçün təhlükəli hesab edilmir və çoxalma dövründə ziyarətçilərə qarşı aqressiv davranış göstərmirlər.
Bu ərazi yalnız turizm baxımından deyil, həm də vəhşi təbiətin qorunması baxımından böyük əhəmiyyət daşıyır. Əvvəllər yay yaşayış yerlərinə köç zamanı minlərlə ilan avtomobil yollarını keçərkən həlak olurdu.
Problemi aradan qaldırmaq üçün Manitoba hakimiyyəti yolların altından xüsusi tunellər inşa edib, həmçinin ilanları təhlükəsiz keçidlərə yönəldən hasarlar quraşdırıb. Bu tədbirlər ilan populyasiyasının qorunmasına ciddi töhfə verib və təbiətin mühafizəsi sahəsində uğurlu nümunələrdən biri sayılır.
Hazırda ziyarətçilər xüsusi müşahidə meydançalarından bu təbiət hadisəsini izləyə, həmçinin bölgədə fəaliyyət göstərən dörd əsas ilan yuvasını birləşdirən piyada marşrutu ilə gəzə bilirlər.
Mütəxəssislərin məlumatına görə, dünyada 4 mindən çox ilan növü mövcuddur. Onlardan təxminən 600-ü zəhərlidir və yalnız bu növlərin yarısının zəhəri insan həyatı üçün ölümcül hesab olunur. Maraqlıdır ki, Antarktida, İslandiya, İrlandiya, Qrenlandiya və Yeni Zelandiya ilanların ümumiyyətlə yaşamadığı bölgələr sırasındadır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri