Motosiklet oğrularının kabusuna çevrildi: Ona "Batman" ləqəbi veriblər

Meksikanın Xalisko ştatında motosiklet oğurluqlarının artması fonunda kimliyi açıqlanmayan bir şəxs cinayətkarlarla mübarizəyə başlayıb.

Sonxeber.az türk mediasına istinadən xəbər verir ki, yerli sakinlər tərəfindən "Laqos de Morenonun Batmanı" adlandırılan şəxsin son 10 gün ərzində 5 motosiklet oğrusunu zərərsizləşdirdiyi bildirilir. Məlumata görə, o, oğurluq hadisələrinin qarşısını almaq üçün müstəqil şəkildə fəaliyyət göstərir.

Sosial şəbəkələrdə və yerli mediada geniş müzakirələrə səbəb olan hadisə ictimaiyyətin diqqətini cəlb edib. Bəzi sakinlər onun fəaliyyətini dəstəkləsələr də, digərləri qanunun yalnız hüquq-mühafizə orqanları tərəfindən tətbiq edilməli olduğunu vurğulayırlar.

Hadisə ilə bağlı rəsmi qurumlar tərəfindən ətraflı açıqlama verilməyib.

Telegramda izləyin