Azərbaycanın ilk Milli Qəhrəmanları kimlərdir?

Azərbaycanın ilk Milli Qəhrəmanları kimlərdir?1992-ci il iyunun 6-sı Azərbaycanın müasir tarixində xüsusi əhəmiyyət daşıyan günlərdən biridir. Məhz həmin gün imzalanan 831 nömrəli fərmanla ölkənin ilk Milli Qəhrəmanları elan olunub.

Azərbaycan Respublikasının suverenliyinin və ərazi bütövlüyünün qorunması, eləcə də dinc əhalinin təhlükəsizliyinin təmin edilməsi zamanı göstərdikləri igidlik və şücaətə görə daxili işlər orqanlarının 11 əməkdaşına ölümündən sonra "Azərbaycanın Milli Qəhrəmanı" adı verilib.

Məhərrəm Seyidov Naxçıvanın Şərur Rayon Polis Şöbəsində baş inspektor vəzifəsində çalışırdı. Sədərək istiqamətində gedən ağır döyüşlər zamanı rəhbərlik etdiyi dəstə ilə düşmənin hücumlarının qarşısını alıb. Son anda döyüş yoldaşlarının mühasirədən çıxmasına şərait yaradaraq özü qəhrəmancasına həlak olub.

İlham Əliyev daxili işlər orqanlarında nümunəvi xidməti ilə seçilən polis zabiti idi. "Mükəmməl polis" döş nişanına layiq görülən İlham Əliyev 1990-cı ilin avqustunda Qazax rayonunun Aşağı Əskipara kəndinin müdafiəsində iştirak edib. Qarın nahiyəsindən ağır yaralansa da, döyüş mövqeyini tərk etməyib və aldığı yaralardan şəhid olub.

Yuri Kovalyov ilk Milli Qəhrəmanlar arasında xüsusi yeri olan şəxsiyyətlərdəndir. Rus əsilli olmasına baxmayaraq, Azərbaycanın ərazi bütövlüyü uğrunda XTMD sıralarında döyüşüb. Ermənilər onun başına böyük məbləğdə pul mükafatı qoymuşdular. Xarici jurnalistlərin "Siz russunuz?" sualına isə "Bəli, mən rusam, Azərbaycan isə vətənimdir" cavabı ilə yadda qalıb. O, 1991-ci ilin oktyabrında Ağdam istiqamətində döyüş tapşırığından qayıdarkən şəhid olub.

Mikayıl Cəbrayılov İkinci Dünya müharibəsində Fransanın Milli Qəhrəmanı adına layiq görülmüş əfsanəvi partizan Əhmədiyyə Cəbrayılovun oğlu idi. Şəki Şəhər Polis İdarəsində xidmət edən Mikayıl Qarabağa ezam olunaraq Cəmilli kəndinin müdafiəsində iştirak edib. Pusquya düşən döyüş yoldaşlarını və kənd sakinlərini xilas edərkən son gülləsinə qədər vuruşaraq şəhid olub.

Əlif Hacıyev Xocalı hava limanının rəisi və komendantı kimi şəhərin müdafiəsinin əsas təşkilatçılarından biri idi. O, hava limanını ələ keçirmək istəyən erməni silahlılarını hiyləgər planla geri çəkilməyə məcbur etmişdi. Xocalı soyqırımı gecəsində yüzlərlə sakinin təhlükəsiz əraziyə çıxmasına kömək edib, sonuncu dəfə mühasirədə qalan insanları xilas etmək üçün geri qayıdarkən qəhrəmancasına həlak olub.

Səfərəli Məmmədov Bakıda xidmət etmək imkanı olsa da, öz istəyi ilə Qarabağ cəbhəsinə yollanıb. Ağdam və Xocavənd istiqamətlərində gedən döyüşlərdə böyük şücaət göstərib. 1992-ci ilin fevralında Qaradağlı faciəsi zamanı rəhbərlik etdiyi dəstə ilə döyüşərkən avtomobilinə qumbaraatan mərmisi dəyməsi nəticəsində şəhid olub.

Yusif Əliyev Bakı şəhər Post-Patrul Xidməti Alayının əməkdaşı idi. Goranboy istiqamətində gedən döyüşlərdə xüsusi fəallıq göstərib. 1991-ci ilin sentyabrında Buzluq kəndində döyüşən hərbçilərə sursat çatdırarkən qəhrəmancasına həlak olub.

Vüqar Hüseynov XTMD sıralarında Xocalı və Goranboy istiqamətlərində döyüşüb. Şəhid jurnalist Salatın Əsgərovanın qətlində iştirak edənlərin müəyyənləşdirilməsi əməliyyatında da mühüm rol oynayıb. 1991-ci ilin iyulunda Goranboyun müdafiəsi zamanı şəhid olub.

Nofəl Quliyev 1990-cı ilin sonunda XTMD sıralarına qoşularaq Füzuli, Goranboy və Qarabağın digər bölgələrində gedən döyüşlərdə iştirak edib. Todan kəndinə hücum zamanı mülki əhalinin təhlükəsiz şəkildə çıxarılmasını təmin edərkən qəhrəmancasına həlak olub.

Mehdi Abbasov Qazaxıstandakı rahat həyatını geridə qoyaraq Vətənə qayıdıb və XTMD-də rota komandiri kimi xidmət edib. Döyüş yoldaşları onu "Mixaylo" ləqəbi ilə tanıyırdı. Məlikcan istiqamətində gedən döyüşdə ön xətdə vuruşarkən snayper gülləsi ilə ağır yaralanıb və şəhid olub.

Valeh Müslümov 1991-ci ildə XTMD-yə qoşularaq Şuşa, Tovuz, Qubadlı və Ağdərə istiqamətlərində keçirilən əməliyyatlarda iştirak edib. 1992-ci ilin aprelində Marquşevan kəndi uğrunda gedən qeyri-bərabər döyüşdə ağır yaralanıb və aldığı xəsarətlərdən vəfat edib.

Qeyd edək ki, indiyədək 226 nəfər "Azərbaycanın Milli Qəhrəmanı" fəxri adına layiq görülüb. Onların böyük əksəriyyətinə bu ad ölümündən sonra verilib. Milli Qəhrəman adına sonuncu dəfə 2025-ci il noyabrın 7-də Müdafiə Nazirliyinin Hərbi Hava Qüvvələrinin baş leytenantı Vaqif Qurbanov və Xüsusi Təyinatlı Qüvvələrin giziri Pəncəli Teymurov (hər ikisi ölümündən sonra) layiq görülüblər.

Hazırda "Azərbaycanın Milli Qəhrəmanı" adını daşıyan 14 nəfər sağdır. Onlar Bəxtiyar Allahverdiyev, İntiqam Atakişiyev, Rövşən Əkbərov, Vahid Quliyev, Mirzə Quliyev, Fəxrəddin Cəbrayılov, Ehtiram Əliyev, Fariz Qəhrəmanov, Mədət Quliyev, Zabit Quliyev, Fariz Mədətov, Mövsüm Məmmədov, Sahil Məmmədov və İbad Hüseynovdur.//Modern.az


Sonxeber.az
Telegramda izləyin
Sosial   Baxılıb: 18399   Tarix: 26 iyun 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA

Kirayə münasibətlərində ev sahiblərinin üzləşdiyi problemlərdən biri də müqavilənin müddəti başa çatdıqdan və ya kirayə haqqı ödənilmədikdən sonra kirayəçinin mənzili boşaltmaqdan imtina etməsidir. Belə hallarda mülkiyyətçilər həm əmlak hüquqlarını qorumaq, həm də qanun çərçivəsində hərəkət etmək məcburiyyətind

17 noyabr
.

Din xadimləri ilə bağlı iddiaya - Rəsmi reaksiya

"Son günlər bəzi media subyektlərində və sosial şəbəkələrdə Azərbaycan Respublikasının Dövlət Qulluğu Məcəlləsində din xadimləri ilə bağlı guya əvvəllər mövcud olmayan yeni məhdudiyyətin tətbiq edildiyi barədə həqiqətə uyğun olmayan məlumatlar yayılıb. Mövcud qanunvericilik aktları nəzərə alınmada

17 noyabr
.

Balıq bazarında bahalaşma var - Video

Bir həftədir bəzi balıqların qiymətində artım müşahidə olunur. Xəzər TV-yə istinadən bildirir ki, balıq almaq istəyənlər bazarda fərqli qiymətlərlə qarşılaşırlar. Satıcıların sözlərinə görə, ötən həftə ilə müqayisədə bəzi balıq növlərinin qiymətində artım var. Xüsusilə İrandan gətirilən məhsullarda bahalaşm

15 noyabr
.

Bu ərazilərə qar yağır

Azərbaycanda müşahidə olunan faktiki hava açıqlanıb. Milli Hidrometeorologiya Xidmətindən -a verilən məlumata görə, ölkə ərazisində qeyri-sabit yağıntılı və küləkli hava şəraiti davam edir. Bəzi dağlıq ərazilərdə - Altıağac, Xınalıq, Qrız, Quba, Qusar, Şahdağ, Kəlbəcər, Laçın və Qubadlıda arabir qa

16 noyabr
.

Xəzər dənizinin sahilboyu ərazilərinin dövlət idarəetməsi təkmilləşdirilir

Xəzər dənizinin sahilboyu ərazilərində davamlı inkişafın və ekoloji sabitliyin təmin edilməsi ilə bağlı idarəetmə və nəzarət sahələrində iştirak edən dövlət orqanlarının koordinasiyalı fəaliyyətinin təşkili, bu sahədə səmərəliliyin və çevikliyin artırılması, rəqəmsal idarəetmə modellərinin tətbiq edilməsi

17 noyabr
.

"Boranı" restoranında tək yeyib-içmək olmaz? - Video

Sosial şəbəkələrdə "Boranı" restoranlar şəbəkəsi ilə bağlı şikayət yayılıb. xəbər verir ki, şikayətçinin iddiasına görə, restoranın "Neftçilər" metrosu yaxınlığında yerləşən filialına tək daxil olmaq istəyən müştəriyə icazə verilməyib. Ona bildirilib ki, yalnız 3-4 nəfərlə gəldikd

16 noyabr
.

Uşaqları nəzarətsiz qoymayın! - Nazirlikdən müraciət

Fövqəladə Hallar Nazirliyi (FHN) uşaqların təhlükəsizliyi ilə bağlı əhaliyə müraciət edib. xəbər verir ki, müraciətdə deyilir:. "Fövqəladə Hallar Nazirliyi tərəfindən əhali arasında aparılan kütləvi maarifləndirmə işlərinə baxmayaraq, bir sıra hallarda azyaşlıların nəzarətsiz qalması nəticəsind

17 noyabr
.

Bakıda külək hasarı aşırdı - Qadın daşların altında qalıb öldü

Güclü külək Bakıda bədbəxt hadisəyə səbəb olub. "Qafqazinfo" xəbər verir ki, dünən saat 18:30 radələrində güclü külək Binəqədi rayonu Xocəsən qəsəbəsi Şollar küçəsi 100 ünvanındakı həyətin hasarını uçurub. Nəticədə, orada piyada hərəkət edən 1978-ci il təvəllüdlü Nuriyeva Samirə Nəsir qız

16 noyabr
.

Evə buraxılan qadın xəstəxana həyətində öldü

Bakıda 65 yaşlı qadın xəstəxananın həyətində vəfat edib. "Qafqazinfo" xəbər verir ki, hadisə Sabunçu rayonunda baş verib. Noyabrın 15-i saat 16 radələrində Maştağa qəsəbə sakini 1961-ci il təvəllüdlü Mətanət Ağasəlim qızı Məlikova qidadan (turşudan) zəhərlənərək xəstəxanaya yerləşdirilib. On

17 noyabr