BANK KARTINDA PUL SAXLAYANLARIN DİQQƏTİNƏ - Ekspertdən vacib xəbərdarlıq

BANK KARTINDA PUL SAXLAYANLARIN DİQQƏTİNƏ - Ekspertdən vacib xəbərdarlıqÖtən günlərdə Azərbaycanda bir sıra bankların müştəriləri kart hesablarında gözlənilməz vəsait azalmaları və balans uyğunsuzluqları ilə qarşılaşıblar.

"AzPolitika" xəbər verir ki, hadisə qısa müddətdə sosial şəbəkələrdə və ictimaiyyət arasında geniş müzakirələrə səbəb olub.

Qeyd edək ki, problemlə üzləşən banklar arasında "ABB", "AccessBank", "Expressbank" və "Yelo Bank" yer alıb.

Yaranmış anlaşılmaz vəziyyətə ilk reaksiya "ABB"dən gəlib. Məsələ ilə bağlı açıqlama verən ABB problemin üçüncü tərəf provayderində yaranmış texniki nasazlıqla əlaqədar olduğunu bildirib.

Diqqət çəkən məqamlardan biri odur ki, sözügedən bankların hamısı eyni prosessinq mərkəzi - "Azericard" vasitəsilə fəaliyyət göstərir.

"Azericard" yayımladığı açıqlamada hadisənin banklararası hesablaşma fayllarının emalı zamanı yaranan və şirkətdən asılı olmayan texniki səbəblərlə bağlı baş verdiyini bildirib. Qurumun məlumatına görə, təkrarlanan əməliyyatlar ləğv edilib və hesablar mərhələli şəkildə əvvəlki vəziyyətinə qaytarılıb.

Azərbaycan Mərkəzi Bankı da hadisəyə münasibət bildirərək bunun kibermüdaxilə və ya kiberhücum olmadığını, ödəniş infrastrukturunun fəaliyyətində problem yaşanmadığını və məsələnin texniki səbəblərdən qaynaqlandığını bəyan edib.

Ekspert: "Vətəndaş hansı bankı seçməsindən asılı olmayaraq eyni risklə üzləşə bilər"

Baş verən hadisəni "AzPolitika"ya şərh edən bank məsələləri üzrə ekspert Əkrəm Həsənov bildirib ki, bu cür hallar bank sistemində yüksək mərkəzləşmənin yaratdığı riskləri bir daha üzə çıxarır.

Bank məsələləri üzrə ekspert Əkrəm Həsənov
Ekspertin sözlərinə görə, bu hadisə göstərdi ki, vətəndaşın vəsaitini hansı bankda saxlaması bəzən ciddi fərq yaratmaya bilər: "Belə hallar göstərir ki, vətəndaşın pulunu hansı bankda saxlamasının elə də böyük fərqi yoxdur. Görürük ki, bir prosessinq mərkəzində yaranan problem eyni anda bir neçə bankın müştərilərinə təsir göstərdi. Düzdür, problem sonradan aradan qaldırıldı, amma insanların yaddaşında xoşagəlməz təəssürat qaldı".

Ekspertin fikrincə, son illərdə bank kartlarından vəsaitlərin oğurlanması ilə bağlı xəbərlərin artması fonunda belə texniki problemlər əhalinin maliyyə sisteminə inamına da mənfi təsir göstərə bilər. Əkrəm Həsənov qeyd edib ki, son dövrlərdə bank sektoru ilə bağlı müxtəlif mübahisəli hallar müşahidə olunur və bu da vətəndaşların narahatlığını artırır.

Ekspert bildirib ki, onun iştirak etdiyi məhkəmə çəkişmələrindən birində müştərinin əmanəti ilə bağlı mübahisə yaranıb: "Məndə belə bir məhkəmə işi var. Vətəndaş banka müraciət edir və bildirir ki, əmanətini çıxarmayıb. Bank isə əmanətin çıxarıldığını iddia edir. Lakin bunu təsdiq edən kifayət qədər sübut təqdim olunmur. Belə halların sayı artır".

Onun sözlərinə görə, texniki nasazlıqlar fonunda vətəndaşların bank kartlarında iri məbləğdə vəsait saxlamağı təhlükəlidir.

Digər tərəfdən, mütəxəssislər qeyd edirlər ki, vahid prosessinq mərkəzlərinin fəaliyyəti banklar üçün xərclərin azaldılması, əməliyyatların sürətləndirilməsi və texniki xidmətin optimallaşdırılması baxımından mühüm üstünlüklər yaradır. Lakin eyni zamanda belə sistemlərdə baş verən hər hansı nasazlıq çoxsaylı bankların fəaliyyətinə eyni anda təsir göstərə bilir.

Məhz son hadisə də göstərdi ki, bir texniki problem qısa müddət ərzində minlərlə müştərinin hesabında balans dəyişikliklərinə səbəb ola və ciddi narahatlıq yarada bilər. Ekspertlər hesab edirlər ki, oxşar problemlərin təkrarlanmaması üçün texniki nəzarət və risk idarəetmə mexanizmlərinin daha da gücləndirilməsinə ehtiyac var.


Sonxeber.az
Telegramda izləyin
Sosial   Baxılıb: 1257   Tarix: 27 iyun 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA

Kirayə münasibətlərində ev sahiblərinin üzləşdiyi problemlərdən biri də müqavilənin müddəti başa çatdıqdan və ya kirayə haqqı ödənilmədikdən sonra kirayəçinin mənzili boşaltmaqdan imtina etməsidir. Belə hallarda mülkiyyətçilər həm əmlak hüquqlarını qorumaq, həm də qanun çərçivəsində hərəkət etmək məcburiyyətind

17 noyabr
.

Din xadimləri ilə bağlı iddiaya - Rəsmi reaksiya

"Son günlər bəzi media subyektlərində və sosial şəbəkələrdə Azərbaycan Respublikasının Dövlət Qulluğu Məcəlləsində din xadimləri ilə bağlı guya əvvəllər mövcud olmayan yeni məhdudiyyətin tətbiq edildiyi barədə həqiqətə uyğun olmayan məlumatlar yayılıb. Mövcud qanunvericilik aktları nəzərə alınmada

17 noyabr
.

Balıq bazarında bahalaşma var - Video

Bir həftədir bəzi balıqların qiymətində artım müşahidə olunur. Xəzər TV-yə istinadən bildirir ki, balıq almaq istəyənlər bazarda fərqli qiymətlərlə qarşılaşırlar. Satıcıların sözlərinə görə, ötən həftə ilə müqayisədə bəzi balıq növlərinin qiymətində artım var. Xüsusilə İrandan gətirilən məhsullarda bahalaşm

15 noyabr
.

Bu ərazilərə qar yağır

Azərbaycanda müşahidə olunan faktiki hava açıqlanıb. Milli Hidrometeorologiya Xidmətindən -a verilən məlumata görə, ölkə ərazisində qeyri-sabit yağıntılı və küləkli hava şəraiti davam edir. Bəzi dağlıq ərazilərdə - Altıağac, Xınalıq, Qrız, Quba, Qusar, Şahdağ, Kəlbəcər, Laçın və Qubadlıda arabir qa

16 noyabr
.

Xəzər dənizinin sahilboyu ərazilərinin dövlət idarəetməsi təkmilləşdirilir

Xəzər dənizinin sahilboyu ərazilərində davamlı inkişafın və ekoloji sabitliyin təmin edilməsi ilə bağlı idarəetmə və nəzarət sahələrində iştirak edən dövlət orqanlarının koordinasiyalı fəaliyyətinin təşkili, bu sahədə səmərəliliyin və çevikliyin artırılması, rəqəmsal idarəetmə modellərinin tətbiq edilməsi

17 noyabr
.

"Boranı" restoranında tək yeyib-içmək olmaz? - Video

Sosial şəbəkələrdə "Boranı" restoranlar şəbəkəsi ilə bağlı şikayət yayılıb. xəbər verir ki, şikayətçinin iddiasına görə, restoranın "Neftçilər" metrosu yaxınlığında yerləşən filialına tək daxil olmaq istəyən müştəriyə icazə verilməyib. Ona bildirilib ki, yalnız 3-4 nəfərlə gəldikd

16 noyabr
.

Uşaqları nəzarətsiz qoymayın! - Nazirlikdən müraciət

Fövqəladə Hallar Nazirliyi (FHN) uşaqların təhlükəsizliyi ilə bağlı əhaliyə müraciət edib. xəbər verir ki, müraciətdə deyilir:. "Fövqəladə Hallar Nazirliyi tərəfindən əhali arasında aparılan kütləvi maarifləndirmə işlərinə baxmayaraq, bir sıra hallarda azyaşlıların nəzarətsiz qalması nəticəsind

17 noyabr
.

Bakıda külək hasarı aşırdı - Qadın daşların altında qalıb öldü

Güclü külək Bakıda bədbəxt hadisəyə səbəb olub. "Qafqazinfo" xəbər verir ki, dünən saat 18:30 radələrində güclü külək Binəqədi rayonu Xocəsən qəsəbəsi Şollar küçəsi 100 ünvanındakı həyətin hasarını uçurub. Nəticədə, orada piyada hərəkət edən 1978-ci il təvəllüdlü Nuriyeva Samirə Nəsir qız

16 noyabr
.

Evə buraxılan qadın xəstəxana həyətində öldü

Bakıda 65 yaşlı qadın xəstəxananın həyətində vəfat edib. "Qafqazinfo" xəbər verir ki, hadisə Sabunçu rayonunda baş verib. Noyabrın 15-i saat 16 radələrində Maştağa qəsəbə sakini 1961-ci il təvəllüdlü Mətanət Ağasəlim qızı Məlikova qidadan (turşudan) zəhərlənərək xəstəxanaya yerləşdirilib. On

17 noyabr