15 yaşlı uşağın idarə etdiyi avtomobil motosikletə çırpıldı: bir nəfər ağır yaralandı - VİDEO

Türkiyənin İzmir şəhərinin Bornova rayonunda 15 yaşlı uşağın idarə etdiyi avtomobil motosikletə çırpılıb. Hadisə nəticəsində motosiklet sürücüsü ağır yaralanıb və onun həyatının təhlükədə olduğu bildirilir.

Sonxeber.az türk mediasına istinadən xəbər verir ki, məlumata görə, qəza zamanı avtomobildə olan 4 uşağın məktəb tətili üçün gəzintiyə çıxıdığı öyrənilib. Nəzarətsiz şəkildə idarə olunan avtomobilin motosikletlə toqquşması nəticəsində ciddi yol-nəqliyyat hadisəsi baş verib.

Ağır yaralanan motosiklet sürücüsü təcili tibbi yardım vasitəsilə xəstəxanaya çatdırılıb. Onun müalicəsinin reanimasiya şöbəsində davam etdiyi bildirilir.

Hadisəyə səbəb olan 15 yaşlı uşaq isə hüquqi prosedurlar çərçivəsində nəzarətə götürülüb, daha sonra məhkəmənin qərarı ilə nəzarət altında sərbəst buraxılıb. Hadisə ilə bağlı istintaq davam edir.

Telegramda izləyin