Marketdəki sirkə şüşəsi şiddətli istidən partladı: Sahibkar əvvəlcə silah səsi zənn etdi - VİDEO

Türkiyənin Manisa vilayətinin Salihli rayonunda marketin qarşısında saxlanılan ev sirkəsi ilə dolu plastik butulka həddindən artıq istilərin təsirindən partlayıb.

Sonxeber.az xarici mediaya istinadla xəbər verir ki, hadisə təhlükəsizlik kamerası tərəfindən qeydə alınıb.

İnsident Çamurhamamı məhəlləsində baş verib. İsti hava nəticəsində butulkanın içərisində yaranan təzyiq güclü partlayışa səbəb olub və ətrafda qısa müddətli təşviş yaşanıb.
Marketin sahibi Atakan Oğuz bildirib ki, əvvəlcə eşitdiyi səsi silah atəşi hesab edib.

"İlk anda elə bildim ki, kimsə tapançadan atəş açıb. Sonra məlum oldu ki, partlayan sirkə ilə dolu plastik butulka imiş", - deyə o bildirib.

Hadisə nəticəsində xəsarət alan olmasa da, görüntülər sosial şəbəkələrdə geniş maraq doğurub.

Telegramda izləyin