16 yaşlı qız anasını bıçaqlayaraq qətlə yetirdi: "Yuxuda məni boğurdu"

Türkiyənin Adana vilayətinin Saimbəyli rayonunda dəhşətli ailə faciəsi baş verib. İki uşaq anası Servet Tekir 16 yaşlı qızı tərəfindən bıçaqlanaraq qətlə yetirilib.

Sonxeber.az türk mediasına istinadən xəbər verir ki, hadisədən sonra 112 Təcili Çağırış Mərkəzinə zəng edən yeniyetmə qız "Anamı mən öldürdüm" deyərək törətdiyi əməli etiraf edib. Polis tərəfindən saxlanılan şübhəli məhkəmə qərarı ilə həbs edilib.

Türkiyə mətbuatının məlumatına görə, şübhəli ifadəsində yuxuda anasının onu boğduğunu gördüyünü, oyandıqdan sonra isə yuxunun təsiri altında cinayəti törətdiyini bildirib.

Faktla bağlı cinayət işi üzrə araşdırma davam etdirilir. Şübhəlinin psixoloji vəziyyəti və hadisənin bütün təfərrüatları istintaq çərçivəsində araşdırılır.

Telegramda izləyin