"Birinci Türkoloji Qurultay ortaq türk kimliyinin daha da möhkəmləndirilməsi üçün mühüm platforma rolunu oynayır" - Emil Əkbərov
"Azərbaycanda Birinci Türkoloji Qurultayın 100 illiyinə həsr olunmuş "Türk dünyası həftəsi" keçirilir. 100 il sonra yenidən bu qurultayın keçirilməsi tarixi bir hadisədir".
Bunu Sonxeber.az-a danışan "BİG Media" MMC-nin direktoru Emil Əkbərov bildirib.
O, qeyd edib ki, iyunun 29-da Bakıda Birinci Türkoloji Qurultayın 100 illiyinə həsr olunmuş "Türk dünyası həftəsi" çərçivəsində "Birinci Türkoloji Qurultay: yüz ilin elmi və mədəni irsi" mövzusunda beynəlxalq konqresin rəsmi açılış mərasimi olub:
"Türk xalqlarının ortaq dil, tarix, ədəbiyyat, etnoqrafiya və mədəni irsinin qorunması, elmi əməkdaşlığın genişləndirilməsi, eləcə də vahid ümumtürk əlifbasına keçid kimi strateji məsələlərin müzakirə olunduğu bu beynəlxalq tədbirin məhz Bakıda keçirilməsi Azərbaycanın həmin dövrdə Türk dünyasının intellektual və mədəni mərkəzlərindən biri kimi qəbul edilməsinin göstəricisi idi. Birinci Türkoloji Qurultayın ideyalarının bu gün də Türk dünyasının inteqrasiyası və əməkdaşlığının genişlənməsi və dərinləşməsi üçün mühüm əhəmiyyət daşıyır. Biz bunu "Türk dünyası həftəsi" çərçivəsində keçirilən tədbirlərdə də gördük. Xüsusilə də "Türk Dünyası Həftəsi" iştirakçılarının Qarabağa səfəri bizim üçün olduqca əhəmiyyətlidir. Çünki bu səfər həm də dünyaya birliyin mesajıdır. Qonaqların Qarabağ səfəri aparılan genişmiqyaslı bərpa və yenidənqurma işləri ilə yerində tanış olmaqla yanaşı həm də uzun illər Azərbaycana qarşı formalaşdırılmış dezinformasiya kampaniyalarının növbəti dəfə iflasa uğraması deməkdir".
Emil Əkbərov vurğulayıb ki, Prezident İlham Əliyevin bu təşəbbüsü irəli sürməsi Azərbaycanın Türk Dövlətləri Təşkilatı çərçivəsində irəli sürdüyü ideyaların siyasi, iqtisadi əməkdaşlıqla yanaşı həm də ortaq kimlik və vahid humanitar məkanın formalaşdırılmasını da əhatə etdiyini göstərir:
"Birinci Türkoloji Qurultayın 100 illiyinin qeyd olunması həm də ortaq türk kimliyinin daha da möhkəmləndirilməsi üçün mühüm platforma rolunu oynayır. "Türk dünyası həftəsi"nin keçirilməsi milli-mədəni dəyərlərin qorunması, ortaq tarixi yaddaşın gələcək nəsillərə çatdırılması və türk xalqları arasında qarşılıqlı etimadın gücləndirilməsi strateji əhəmiyyət daşıyır. Ən önəmlisi isə humanitar əməkdaşlığın genişlənməsi böyük əhəmiyyət daşıyır. Çünki humanitar əməkdaşlığın genişləndirilməsi ortaq elmi tədqiqatların, akademik mübadilə proqramlarının və birgə mədəni layihələrin artırılması türk dövlətləri arasında inteqrasiyanın institusional əsaslarını daha da möhkəmləndirə bilər. Xüsusilə də "Türk Dünyası Həftəsi" türk xalqlarını bir araya gətirməklə birliyi daha da gücləndirir. Prezident İlham Əliyevin tədbir iştirakçılarına müraciətində vurğuladığı kimi, Türk Dünyası Həftəsi müxtəlif formatda silsilə tədbirləri ilə parlaq tarixi-mənəvi irsimizin yaşadılmasına, öyrənilməsinə və təbliğinə töhfələr verəcək, mədəni həyatımızın əlamətdar hadisələri sırasında özünəməxsus layiqli yer tutacaq və yaddaşlarda silinməz iz qoyacaq".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri