"Hüquqi dövlətin inkişafı üçün vətəndaşların öz hüquq və vəzifələrini bilməsi mühüm əhəmiyyət kəsb edir" - DEPUTAT
"İnsan hüquq və azadlıqlarının müdafiəsi demokratik cəmiyyətin əsas prinsiplərindən biridir. Azərbaycanda insan və vətəndaş hüquq və azadlıqları Azərbaycan Respublikasının Konstitusiyası ilə təmin olunur. Hər bir şəxsin yaşamaq, təhsil almaq, əmək fəaliyyəti ilə məşğul olmaq, fikir və söz azadlığından istifadə etmək, vicdan azadlığı, mülkiyyət hüququ, qanun qarşısında bərabərlik və digər fundamental hüquqları Konstitusiyada təsbit edilmiş və dövlət tərəfindən qorunur. Bu hüquq və azadlıqların etibarlı təmin olunması cəmiyyətdə ədalətin, sabitliyin, hüququn aliliyinin və qarşılıqlı etimadın möhkəmlənməsinə xidmət edir".
Bunu Sonxeber.az-a danışan deputat Azər Badamov bildirib.
Deputat qeyd edib ki, hüquqi dövlətin inkişafı üçün vətəndaşların öz hüquq və vəzifələrini bilməsi mühüm əhəmiyyət kəsb edir:
"Hüquqi savadlılıq insanların qanunlara hörmətlə yanaşmasına, hüquqlarını qanuni yollarla müdafiə etməsinə və ictimai həyatda daha fəal iştirak etməsinə şərait yaradır. Bu məqsədlə ölkədə hüquqi maarifləndirmə tədbirləri keçirilir, təhsil müəssisələrində hüquqi biliklərin tədrisinə diqqət yetirilir, kütləvi informasiya vasitələri və televiziya kanalları vasitəsilə əhali arasında maarifləndirmə işi aparılır.
Vətəndaşların siyasi mədəniyyətinin yüksəldilməsi də demokratik cəmiyyətin inkişafı üçün vacib amillərdəndir. Siyasi mədəniyyət insanlarda dövlətə, qanunlara və demokratik dəyərlərə hörmət hissini gücləndirir, onların ictimai proseslərdə məsuliyyətli davranmasına kömək edir. Vətəndaşlar seçkilərdə iştirak etməklə, ictimai müzakirələrə qoşulmaqla, könüllülük fəaliyyətində və müxtəlif sosial layihələrdə iştirak etməklə cəmiyyətin inkişafına öz töhfələrini verə bilərlər. Seçkilərdə iştirak etmək hər bir vətəndaşın konstitusion hüququ olmaqla yanaşı, həm də yüksək vətəndaş məsuliyyətinin göstəricisidir.
.
Eyni zamanda, demokratik cəmiyyət anlayışı heç də özbaşınalıq və ya anarxiya demək deyildir. Demokratiya ilk növbədə qanunun aliliyinə, insan hüquqlarına hörmətə, qarşılıqlı məsuliyyətə və ictimai nizamın qorunmasına əsaslanır. Hər bir vətəndaş öz hüquqlarından istifadə edərkən digər insanların hüquq və azadlıqlarına hörmət etməli, qanunvericiliyin tələblərinə əməl etməlidir".
P.S. Yazı Azərbaycan Respublikası Medianın İnkişafı Agentliyinin maliyyə dəstəyi ilə "İnsan hüquq və azadlıqlarının müdafiəsi, vətəndaşların hüquqi, siyasi mədəniyyət səviyyəsinin yüksəldilməsi, sosial və siyasi fəallığının artırılması" mövzusuna uyğun olaraq dərc edilir.
Aysel Yusifqızı

Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri