Yaxşı valideynlər pis uşaqlara səbəb olan səhvlər edirlər - PSİXOLOQ
Valideynlər övladları üçün ən yaxşısını etmək istəsələr də, bəzən həddindən artıq qayğı göstərərək onların müstəqil və psixoloji cəhətdən dözümlü böyüməsinə mane ola bilirlər.
Lent.az xarici mediaya istinadən xəbər verir ki, mütəxəssisin sözlərinə görə, ən geniş yayılmış səhvlərdən biri uşağın özü yerinə yetirməli olduğu işləri valideynin etməsidir. Məsələn, bəzi valideynlər övladlarının məktəb layihələrini özləri hazırlayır ki, daha yüksək qiymət alsınlar və ya uşağın isterikasının qarşısını almaq üçün onun bütün istəklərini yerinə yetirirlər.
Amerikalı psixiatr Daniel Amen hesab edir ki, belə yanaşma uşaqların müstəqillik, məsuliyyət və problemlərin öhdəsindən gəlmək bacarığını inkişaf etdirməsinə mane olur.
Psixiatr bu fikrini qızının tərbiyəsindən nümunə ilə izah edib.
"Qızım ev tapşırığını evdə unutduqda heç kim onu məktəbə aparmırdı. Soyuq havada anasının xəbərdarlığına baxmayaraq gödəkçəsini götürmürdüsə, heç kim sonradan ona gödəkçə gətirmirdi", - o bildirib.
Uşağın hər problemini həll etmək düzgün deyil
Mütəxəssis valideynlərə uşaq "darıxıram" dedikdə də onu dərhal əyləndirməyə çalışmamağı tövsiyə edir. Onun fikrincə, uşağın vəziyyətdən özü çıxış yolu axtarması problem həll etmə bacarığını və psixoloji dayanıqlığını formalaşdırır.
"Əgər övladlarınız üçün həddindən artıq çox iş görürsünüzsə, özünüzü daha yaxşı hiss etsəniz də, onların özünəinamını zəiflədirsiniz. İnsanlar problemləri həll etdikcə psixoloji dözümlülük qazanırlar", - Amen bildirib.
Sərt tərbiyə də çıxış yolu deyil
Məqalədə vurğulanır ki, psixoloji dayanıqlılıq yaratmaq uşaqlara qarşı sərt davranmaq demək deyil. Barnard Kollecinin uşaq psixoloqu Tova Klyayın bildirib ki, həddindən artıq sərt cəzalar uşaqların çətinliklərin öhdəsindən gəlməsinə kömək etmir. Eyni zamanda onları bütün uğursuzluqlardan qorumaq da düzgün yanaşma hesab olunmur. Onun fikrincə, valideynlər uşaqlara səhv etmək və uğursuzluq yaşamaq imkanı verməli, eyni zamanda sevgilərini və dəstəklərini hiss etdirməlidirlər.
"İnanıram ki, sən bu çətin vəziyyətin öhdəsindən gələcəksən. Nəticə necə olursa-olsun, qalib gəlsən də, uduzsan da, mən sənin yanındayam", - psixoloq izah edib.
Məsuliyyət hissi uşaqlıqdan formalaşır
Məqalədə qeyd olunur ki, uşaqları ev işlərinə cəlb etmək, dostlarına və sinif yoldaşlarına kömək etməyə təşviq etmək onların özünəinamını və məsuliyyət hissini gücləndirir. Bunu American Psychological Association da dəstəkləyir. Təşkilatın mütəxəssisləri hesab edirlər ki, yaşa uyğun məsuliyyət daşıyan uşaqlar gələcəkdə həyatın çətinlikləri ilə daha rahat mübarizə aparırlar.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri