Şuşa Qlobal Media Forumu Azərbaycanın qlobal dialoq təşəbbüslərinin mühüm göstəricisidir

Şuşa Qlobal Media Forumu Azərbaycanın qlobal dialoq təşəbbüslərinin mühüm göstəricisidirMüasir beynəlxalq münasibətlər sistemində dövlətlərin gücü və nüfuzu artıq yalnız iqtisadi imkanlar, hərbi potensial və siyasi təsir imkanları ilə ölçülmür. Qlobal proseslərdə dövlətlərin mövqeyini müəyyən edən mühüm amillər sırasında onların beynəlxalq imici, mədəni cəlbediciliyi, humanitar təşəbbüsləri, dəyərləri və etimad yaratmaq qabiliyyəti xüsusi yer tutur.

Harvard Universitetinin professoru Cozef Nay tərəfindən irəli sürülən "yumşaq güc" (Soft Power) konsepsiyası müasir diplomatiyada dövlətlərin təsir imkanlarının yeni ölçülərini ortaya qoyur. Dövlətlər artıq yalnız güc nümayiş etdirməklə deyil, həm də öz dəyərlərini, baxışlarını və təşəbbüslərini beynəlxalq ictimaiyyətə qəbul etdirmək, əməkdaşlıq üçün cəlbedici tərəfdaş olmaqla qlobal mövqelərini möhkəmləndirir. Bu baxımdan Şuşa Qlobal Media Forumu Azərbaycanın yumşaq güc siyasətinin mühüm elementlərindən biridir. Forum təkcə media nümayəndələrinin görüş platforması deyil, həm də müasir dünyanın informasiya çağırışlarının, beynəlxalq təhlükəsizliyin, rəqəmsal transformasiyanın, süni intellektin, informasiya müharibələrinin və sülhün təşviqində medianın rolunun müzakirə edildiyi qlobal platformadır. İnformasiya diplomatiyası bu gün dövlətlərin xarici siyasətində xüsusi əhəmiyyət daşıyan istiqamətlərdən birinə çevrilib. Birbaşa dialoqa, açıq kommunikasiyaya və qarşılıqlı etimada əsaslanan bu model dövlətlərin beynəlxalq ictimaiyyətlə əlaqələrinin möhkəmləndirilməsinə imkan yaradır. IV Şuşa Qlobal Media Forumu Prezident İlham Əliyevin rəhbərliyi ilə həyata keçirilən yeni diplomatik yanaşmanın mühüm tərkib hissəsidir. Azərbaycanın müxtəlif beynəlxalq platformalarda fəallığı, qlobal məsələlərin həllinə verdiyi töhfələr, humanitar təşəbbüsləri və sülh gündəliyi ölkəmizin beynəlxalq nüfuzunun daha da artmasına xidmət edir.

Bu il "Sülhün təşviqində medianın missiyası: Həqiqətin bərpası və etimadın yenidən qurulması" mövzusuna həsr olunan IV Şuşa Qlobal Media Forumu xüsusilə mühüm aktuallıq daşıyır. Çünki müasir dövrdə informasiya məkanı təkcə xəbərlərin yayıldığı sahə deyil, eyni zamanda, geosiyasi rəqabətin, ictimai rəyin formalaşmasının və beynəlxalq münasibətlərin əsas istiqamətlərindən biridir. Forumda dünyanın 53 ölkəsindən 160-dək media nümayəndəsinin, ekspertin və rəsmi şəxsin iştirakının gözlənilməsi tədbirin beynəlxalq əhəmiyyətini göstərir. İndiyədək keçirilən Şuşa Qlobal Media Forumları çərçivəsində 81 ölkədən 600-dək nüfuzlu iştirakçının bir araya gəlməsi isə Azərbaycanın qlobal media dialoqu üçün mühüm platformaya çevrildiyini nümayiş etdirir.

İnformasiya əsrində medianın missiyası yalnız obyektiv məlumat yaymaqla məhdudlaşmır. Media, eyni zamanda, xalqlar arasında anlaşmanın gücləndirilməsi, stereotiplərin aradan qaldırılması və etimad mühitinin yaradılması baxımından strateji rol oynayır. Bu gün media sülh quruculuğu prosesinin vacib iştirakçılarından biridir. Həqiqətin bərpası, düzgün informasiyanın yayılması və cəmiyyətlər arasında dialoqun təşviqi davamlı sülh üçün mühüm şərtlərdəndir. Müasir beynəlxalq münasibətlərdə "orta güc" (Middle Power) anlayışı da getdikcə daha çox aktuallaşır. Orta güc dövlətləri yalnız öz milli maraqlarını qorumaqla kifayətlənmir, həm də regional və qlobal məsələlərin həllində fəal iştirak edir, vasitəçilik imkanlarından istifadə edir, çoxtərəfli əməkdaşlıq platformaları yaradır.

Azərbaycan son illərdə həyata keçirdiyi siyasət nəticəsində bu modelə uyğun gələn dövlətlər sırasında özünəməxsus yer qazanıb. Azərbaycanın orta güc modeli bir neçə mühüm strateji istiqamət üzərində formalaşır. Bunlara milli maraqlara əsaslanan müstəqil və balanslaşdırılmış xarici siyasət, Şərqlə Qərbi birləşdirən geostrateji mövqedən səmərəli istifadə, enerji və nəqliyyat diplomatiyası, humanitar və mədəni diplomatiya, parlament diplomatiyası, rəqəmsal transformasiya və innovasiya sahəsində təşəbbüslər, eləcə də beynəlxalq tədbirlərə uğurla ev sahibliyi etmək daxildir.

Azərbaycanın son illərdə müxtəlif qlobal tədbirlərə ev sahibliyi etməsi ölkənin beynəlxalq etimadının göstəricisidir. Bakı və Şuşanın beynəlxalq siyasi, humanitar və media platformalarına çevrilməsi Azərbaycanın qlobal dialoqda rolunun artdığını nümayiş etdirir.

Azərbaycanın orta güc kimi formalaşması ölkənin potensialının, milli maraqlarını müdafiə etmək imkanlarının və beynəlxalq proseslərə təsir qabiliyyətinin tanınması deməkdir. Qarabağda əldə olunan tarixi Zəfərdən sonra Azərbaycan qarşısında yeni imkanlar açılıb. Ölkəmiz artıq yalnız öz təhlükəsizliyini təmin edən dövlət deyil, həm də regional sülhün, əməkdaşlığın və inkişafın təşviqinə töhfə verən aktora çevrilib. Şuşadan dünyaya verilən əsas mesaj ondan ibarətdir ki, davamlı sülh yalnız siyasi razılaşmalarla deyil, həm də etimad, açıq kommunikasiya, qarşılıqlı hörmət və humanitar əməkdaşlıqla mümkündür. Azərbaycan bu dəyərləri təşviq edən məsuliyyətli və etibarlı tərəfdaş kimi beynəlxalq mövqeyini daha da möhkəmləndirir.

Gülər Baxışova
Pedaqogika üzrə fəlsəfə doktoru


Sonxeber.az
Telegramda izləyin
Sosial   Baxılıb: 392   Tarix: 14 iyul 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Gürcüstanda azərbaycanlı gəncin meyiti tapıldı

Gürcüstanda azərbaycanlıların kompakt yaşadığı Marneuli rayonunda faciəvi hadisə baş verib. "Qafqazinfo" yerli mediaya istinadən xəbər verir ki, rayonun Təzəkənd kənd sakini 26 yaşlı Emil Məmmədovun meyiti yaşadığı evdə tapılıb. Onun ölüm səbəbinin müəyyənləşdirilməsi məqsədilə Gürcüstanı

16 noyabr
.

Məktəblərdə payız tətili başladı

Bu gündən 2026-2027-ci tədris ili üzrə ümumi təhsil müəssisələrində beşgünlük payız tətili başlayıb. xəbər verir ki, payız tətili 16-20 noyabr tarixlərini əhatə edir. Belə ki, şənbə-bazar günləri nəzərə alınmaqla payız tətilindən sonra ilk dərs günü 6 günlük iş həftəsi ilə işləyən ümumi təhsil müəssisələrind

16 noyabr
.

Güclü küləkdə paytaxtda 32 ağac sınıb - Fotolar

Noyabrın 15-i axşam saatlarından başlayaraq paytaxtda əsən güclü külək nəticəsində ümumilikdə 32 ağac sınıb, 36 ağacın isə budaqları qırılıb. xəbər verir ki, bu barədə Baki Şəhər İcra Hakimiyyətinin (BŞİH) Mətbuat xidməti məlumat yayıb. Bildirilib ki, Bakıda ötən gündən etibarən müşahidə olunan gücl

16 noyabr
.

Bab əl-Məndəb və Hörmüz eyni vaxtda risk altında: Azərbaycan tranzit marşrutları üçün bunun mənası nədir?

Körfəzdə gərginlik yenidən artıb. Noyabrın 13-də İran İnqilab Keşikçiləri Korpusu Bəhreyndəki ABŞ radarına hücum etdiyini açıqladı. ABŞ Mərkəzi Komandanlığı (CENTCOM) iki dronun vurulduğunu bildirdi, itki və zərər olmadığını dedi və radar iddiasını təkzib etdi (Al Jazeera, Reuters). Hər iki tərəfin iddias

16 noyabr
.

Evə buraxılan qadın xəstəxana həyətində öldü

Bakıda 65 yaşlı qadın xəstəxananın həyətində vəfat edib. "Qafqazinfo" xəbər verir ki, hadisə Sabunçu rayonunda baş verib. Noyabrın 15-i saat 16 radələrində Maştağa qəsəbə sakini 1961-ci il təvəllüdlü Mətanət Ağasəlim qızı Məlikova qidadan (turşudan) zəhərlənərək xəstəxanaya yerləşdirilib. On

17 noyabr
.

Xəzər dənizinin sahilboyu ərazilərinin dövlət idarəetməsi təkmilləşdirilir

Xəzər dənizinin sahilboyu ərazilərində davamlı inkişafın və ekoloji sabitliyin təmin edilməsi ilə bağlı idarəetmə və nəzarət sahələrində iştirak edən dövlət orqanlarının koordinasiyalı fəaliyyətinin təşkili, bu sahədə səmərəliliyin və çevikliyin artırılması, rəqəmsal idarəetmə modellərinin tətbiq edilməsi

17 noyabr
.

Novxanıda sərnişinlər avtobusda ekstrim yaşadı - Video

Paytaxtın Zabrat qəsəbəsi ilə Novxanı qəsəbələrini birləşdirən 537 saylı müntəzəm marşrut xəttində maraqlı anlar yaşanıb. "Qafqazinfo" xəbər verir ki, Novxanı qəsəbəsi istiqamətində əsas yolun bağlı olması səbəbindən nəqliyyat vasitələri çimərliklərin ərazisi ilə hərəkət etməli olub. Bu zama

16 noyabr
.

Milli kimliyin qorunması, Azərbaycan həqiqətlərinin təbliği və informasiya təhlükəsizliyinin strateji əhəmiyyəti

Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə televiziya və radio işçilərinə ünvanladığı müraciət ölkəmizin informasiya siyasətinin prioritetlərini, milli-mənəvi dəyərlərin qorunmasının əhəmiyyətini və teleradionun dövlətçilik tariximizdək

16 noyabr
.

637 balla universitetə qəbul olmuşdu: Yataqxanada ölən tələbə ilə bağlı yeni təfərrüat

Yataqxanada meyiti tapılan tələbə qızın ölümü ilə bağlı bəzi təfərrüat məlum olub. -a istinadən xəbər verir ki, 2007-ci il təvəllüdlü Elmira Eyyubova 2024-cü ildə 637 bal toplayaraq Azərbaycan Tibb Universitetinə qəbul olub. O, universitetin yataqxanasına bir müddət əvvəl köçübmüş. Elmira iki il Bakıd

16 noyabr