Azərbaycan - Avropa əlaqələrində yeni istiqamət

Azərbaycan - Avropa əlaqələrində yeni istiqamətAzərbaycanın Avropadakı tərəfdaşlıq xəritəsi sürətlə genişlənir və bu prosesdə Mərkəzi Avropanın mühüm dövlətlərindən biri olan Slovakiya xüsusi yer tutur. NATO və Avropa İttifaqının üzvü kimi Slovakiya müasir sənaye potensialı, dinamik iqtisadiyyatı, regional və qlobal təhlükəsizlik məsələlərində aktiv mövqeyi ilə seçilir. Azərbaycanla bu ölkə arasında formalaşmış qarşılıqlı etimad, dərin diplomatik dialoq və praktiki əməkdaşlıq Cənubi Qafqaz-Mərkəzi Avropa xəttində strateji tərəfdaşlıq konturlarını daha da aydınlaşdırır.

İyulun 13-də Slovakiya Respublikasının Prezidenti Peter Pelleqrinin Azərbaycana rəsmi səfəri ikitərəfli münasibətlər, Avropa İttifaqı ilə əməkdaşlıq perspektivləri, enerji təhlükəsizliyi, regional sabitlik, nəqliyyat-logistika şəbəkələri və post-münaqişə mərhələsinin sosial-iqtisadi layihələri baxımından xüsusi geosiyasi əhəmiyyət daşıyır.

Slovakiya 1992-ci ildə Azərbaycanın müstəqilliyini tanıdıqdan sonra 1993-cü ildə diplomatik əlaqələr rəsmiləşdirilmiş və münasibətlər ardıcıl, sistemli, bərabərhüquqlu əməkdaşlıq əsasında inkişaf etmişdir. Son illərdə bu dinamika daha da güclənmiş, 2019-cu ildən Slovakiyanın Bakıda, 2023-cü ildən isə Azərbaycanın Bratislavada səfirliyinin fəaliyyət göstərməsi qarşılıqlı siyasi əlaqələri daha da canlandırmışdır. 2024-cü ildə Baş nazir Robert Fitsonun Bakıya səfəri zamanı imzalanmış Strateji Tərəfdaşlıq haqqında Birgə Bəyannamə qarşılıqlı əlaqələri yüksək səviyyəyə qaldırmış və bu sənəd faktiki olaraq müxtəlif sahələr üzrə əməkdaşlığın dərinləşdirilməsini nəzərdə tutan siyasi yol xəritəsinə çevrilmişdir.

Qarabağın dilbər guşəsi olan Şuşada keçirilən təkbətək və geniştərkibli görüşlər zamanı Slovakiya Prezidenti Peter Pellegrini bu səfərin ölkəsi üçün xüsusi əhəmiyyət daşıyan hadisə kimi qiymətləndirərək, münasibətlərin dostluq müstəvisindən sistemli strateji tərəfdaşlıq mərhələsinə keçdiyini vurğuladı. O bildirib ki, "Şadam ki, Azərbaycan-Slovakiya əlaqələrinin inkişafı uğurla gedir. Bizim siyasi təmaslarımız müntəzəm xarakter alır". Dövlətimizin başçısı qeyd edib ki, dinamik əlaqələrin inkişafı iki tərəfin niyyətini göstərir. Qeyd edilib ki, bu gün Azərbaycan-Slovakiya siyasi əlaqələri çox yüksək səviyyədədir. Dövlətimizin başçısı bildirib ki, qarşılıqlı səfərlər bunu əyani şəkildə göstərir.
Görüşlərdə əsas müzakirə istiqamətlərindən biri enerji təhlükəsizliyi oldu. Avropa İttifaqının Rusiya qazının Slovakiya istiqamətində idxalını məhdudlaşdırdığı şəraitdə alternativ mənbələrə artan ehtiyac Azərbaycanın regional və pan-Avropa enerji arxitekturasındakı rolunu daha da ön plana çıxarır. Slovakiya Prezidentinin Azərbaycan qazını ölkəsi üçün strateji enerji həllinin mühüm elementi kimi dəyərləndirməsi Bakının Avropadakı etibarlı tərəfdaş statusunu daha da gücləndirir. 2024-cü ildən Slovakiyaya qaz ixracına başlayan Azərbaycan bu xəttin genişləndirilməsi ilə Avropanın enerji şaxələndirilməsi siyasətinə töhfə verir, Slovakiyanın uzunmüddətli enerji təhlükəsizliyinin təmin olunmasında iştirak edir və Cənub Qaz Dəhlizi vasitəsilə Avropa İttifaqı ilə enerji inteqrasiyasını daha da dərinləşdirir.
İqtisadi əməkdaşlıq sahəsində Slovakiya ilə əlaqələr strateji mahiyyət daşıyır. Avropa şirkətləri, xüsusən "Concago j.s.a" və onun tərəfdaşı "IMA ENERGY MMC" Qarabağ bölgəsində - Ağdamın Baş Qərvənd kəndində fərdi evlərin tikintisini həyata keçirir.

Mətbuata bəyanatında ölkə başçısı deyib: Biz çox şadıq ki, Slovakiya Qarabağın bərpasında fəal iştirak edir. "Bu gün biz cənab Prezidentlə birlikdə Ağdam rayonunun Baş Qərvənd kəndinə gedəcəyik. Burada Slovakiya şirkəti "ağıllı kənd" layihəsini icra edir və bu layihə ilə tanış olacağıq", - deyən dövlətimizin başçısı Qarabağın bərpasına verdiyi dəstəyə görə Slovakiya Prezidentinə bir daha təşəkkürünü bildirib.

Bu layihələr post-münaqişə dövründə regionun bərpasına, bölgədə sosial-iqtisadi canlanmaya mühüm töhfə verir. Slovakiyanın Avropa İttifaqındakı mövqeyi və sənaye potensialı Azərbaycanın əməkdaşlıq imkanlarını genişləndirir, beynəlxalq şirkətlərin sərmayələri isə texnoloji transfer, müasir idarəetmə standartları və istehsal mədəniyyətinin tətbiqi ilə yanaşı yeni iş yerlərinin yaradılmasına şərait yaradır.

Müdafiə və təhlükəsizlik sahəsində əməkdaşlıq da xüsusi önəm daşıyır. Slovakiyanın baş naziri və müdafiə nazirinin 2025-ci ildə Bakıda Vətən müharibəsinin Zəfər paradında iştirakı ikitərəfli etimadı və strateji yaxınlaşmanı nümayiş etdirir. Hərbi əməkdaşlıq, təhlükəsizlik sahəsində məlumat mübadiləsi və NATO-Azərbaycan çərçivəsində koordinasiya Cənubi Qafqaz-Mərkəzi Avropa xəttində etimadın artmasına və sabitliyin möhkəmlənməsinə xidmət edir.
Avropa İttifaqı Azərbaycan üçün əsas enerji və ticarət tərəfdaşıdır. Prezident İlham Əliyevin son bir ildə Avropa İttifaqı rəhbərliyi ilə intensiv təmasları, yüksək səviyyəli görüşlər və ardıcıl dialoq münasibətlərin yeni mərhələyə yüksəldiyini göstərir. Slovakiya isə bu çərçivədə Azərbaycanın Avropa İttifaqı ilə əməkdaşlığını dəstəkləyən, enerji təhlükəsizliyi sahəsində prioritet tərəfdaş və Azərbaycan - Avropa əlaqələrinin inkişafında strateji körpü rolunu yerinə yetirən dövlətlərdən biridir. Bu səbəbdən Bratislava səfəri Azərbaycan-Avropa İttifaqı münasibətlərinin güclənməsi üçün də siyasi və praktiki əhəmiyyət daşıyır.

İyulun 13-də Slovakiya Respublikasının Prezidenti Peter Pelleqrinin Azərbaycana rəsmi səfəri ikitərəfli münasibətlərin strateji tərəfdaşlıq səviyyəsində möhkəmləndiyini təsdiqləməklə yanaşı enerji, müdafiə, nəqliyyat, sənaye və innovasiya sahələrində yeni əməkdaşlıq istiqamətlərini müəyyənləşdirir. Bu səfər post-münaqişə dövründə Qarabağın bərpasına Avropa dəstəyinin institusionallaşmasını təmin etməklə yanaşı Azərbaycan-Slovakiya qarşılıqlı etimadını ən yüksək siyasi-diplomatik səviyyəyə yüksəldir.

Beləliklə, həm regional, həm də Avropa müstəvisində yeni reallıq formalaşır: Azərbaycan enerji, təhlükəsizlik, nəqliyyat və iqtisadi əməkdaşlıq sahələrində Mərkəzi Avropanın mühüm tərəfdaşına, Slovakiya isə Azərbaycanın Avropa İttifaqı ilə genişlənən əməkdaşlığında strateji dayaqlardan birinə çevrilir. Güclənən tərəfdaşlıq Cənubi Qafqazda sabitlik, Avropada enerji təhlükəsizliyi və hər iki ölkə üçün davamlı inkişaf perspektivləri yaradır.

Gülər Baxışova,
Pedaqogika üzrə fəlsəfə doktoru


Sonxeber.az
Telegramda izləyin
Sosial   Baxılıb: 540   Tarix: 14 iyul 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Gürcüstanda azərbaycanlı gəncin meyiti tapıldı

Gürcüstanda azərbaycanlıların kompakt yaşadığı Marneuli rayonunda faciəvi hadisə baş verib. "Qafqazinfo" yerli mediaya istinadən xəbər verir ki, rayonun Təzəkənd kənd sakini 26 yaşlı Emil Məmmədovun meyiti yaşadığı evdə tapılıb. Onun ölüm səbəbinin müəyyənləşdirilməsi məqsədilə Gürcüstanı

16 noyabr
.

Məktəblərdə payız tətili başladı

Bu gündən 2026-2027-ci tədris ili üzrə ümumi təhsil müəssisələrində beşgünlük payız tətili başlayıb. xəbər verir ki, payız tətili 16-20 noyabr tarixlərini əhatə edir. Belə ki, şənbə-bazar günləri nəzərə alınmaqla payız tətilindən sonra ilk dərs günü 6 günlük iş həftəsi ilə işləyən ümumi təhsil müəssisələrind

16 noyabr
.

Güclü küləkdə paytaxtda 32 ağac sınıb - Fotolar

Noyabrın 15-i axşam saatlarından başlayaraq paytaxtda əsən güclü külək nəticəsində ümumilikdə 32 ağac sınıb, 36 ağacın isə budaqları qırılıb. xəbər verir ki, bu barədə Baki Şəhər İcra Hakimiyyətinin (BŞİH) Mətbuat xidməti məlumat yayıb. Bildirilib ki, Bakıda ötən gündən etibarən müşahidə olunan gücl

16 noyabr
.

Bab əl-Məndəb və Hörmüz eyni vaxtda risk altında: Azərbaycan tranzit marşrutları üçün bunun mənası nədir?

Körfəzdə gərginlik yenidən artıb. Noyabrın 13-də İran İnqilab Keşikçiləri Korpusu Bəhreyndəki ABŞ radarına hücum etdiyini açıqladı. ABŞ Mərkəzi Komandanlığı (CENTCOM) iki dronun vurulduğunu bildirdi, itki və zərər olmadığını dedi və radar iddiasını təkzib etdi (Al Jazeera, Reuters). Hər iki tərəfin iddias

16 noyabr
.

Evə buraxılan qadın xəstəxana həyətində öldü

Bakıda 65 yaşlı qadın xəstəxananın həyətində vəfat edib. "Qafqazinfo" xəbər verir ki, hadisə Sabunçu rayonunda baş verib. Noyabrın 15-i saat 16 radələrində Maştağa qəsəbə sakini 1961-ci il təvəllüdlü Mətanət Ağasəlim qızı Məlikova qidadan (turşudan) zəhərlənərək xəstəxanaya yerləşdirilib. On

17 noyabr
.

Xəzər dənizinin sahilboyu ərazilərinin dövlət idarəetməsi təkmilləşdirilir

Xəzər dənizinin sahilboyu ərazilərində davamlı inkişafın və ekoloji sabitliyin təmin edilməsi ilə bağlı idarəetmə və nəzarət sahələrində iştirak edən dövlət orqanlarının koordinasiyalı fəaliyyətinin təşkili, bu sahədə səmərəliliyin və çevikliyin artırılması, rəqəmsal idarəetmə modellərinin tətbiq edilməsi

17 noyabr
.

Novxanıda sərnişinlər avtobusda ekstrim yaşadı - Video

Paytaxtın Zabrat qəsəbəsi ilə Novxanı qəsəbələrini birləşdirən 537 saylı müntəzəm marşrut xəttində maraqlı anlar yaşanıb. "Qafqazinfo" xəbər verir ki, Novxanı qəsəbəsi istiqamətində əsas yolun bağlı olması səbəbindən nəqliyyat vasitələri çimərliklərin ərazisi ilə hərəkət etməli olub. Bu zama

16 noyabr
.

Milli kimliyin qorunması, Azərbaycan həqiqətlərinin təbliği və informasiya təhlükəsizliyinin strateji əhəmiyyəti

Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə televiziya və radio işçilərinə ünvanladığı müraciət ölkəmizin informasiya siyasətinin prioritetlərini, milli-mənəvi dəyərlərin qorunmasının əhəmiyyətini və teleradionun dövlətçilik tariximizdək

16 noyabr
.

637 balla universitetə qəbul olmuşdu: Yataqxanada ölən tələbə ilə bağlı yeni təfərrüat

Yataqxanada meyiti tapılan tələbə qızın ölümü ilə bağlı bəzi təfərrüat məlum olub. -a istinadən xəbər verir ki, 2007-ci il təvəllüdlü Elmira Eyyubova 2024-cü ildə 637 bal toplayaraq Azərbaycan Tibb Universitetinə qəbul olub. O, universitetin yataqxanasına bir müddət əvvəl köçübmüş. Elmira iki il Bakıd

16 noyabr