"Uşaqların sosial şəbəkələrdən istifadəsi onların həm təhsilinə, həm də psixoloji inkişafına mənfi təsir göstərə bilər" - Psixoloq
"Sosial şəbəkələrdən həddindən artıq və nəzarətsiz istifadə uşaqların həm təhsilinə, həm də psixoloji inkişafına mənfi təsir göstərə bilər".
Bunu Sonxeber.az-a danışan psixoloq Leyla Alışova bildirib.
Psixoloq qeyd edib ki, uşaqların sosial şəbəkələrdən həddindən artıq çox istifadə etməsi təhsilə olan həvəsi aşağı salır:
Sosial şəbəkələrdən çox istifadə diqqətin yayınmasına, dərs zamanı və ya ev tapşırıqlarını yerinə yetirərkən sosial şəbəkələrə tez-tez baxmaq diqqətin azalmasına səbəb olur. Eləcə də, akademik göstəriciləri zəifləyir. Çünki dərs oxumağa ayrılan vaxt azalır və nəticədə qiymətlər aşağı düşə bilər. Yuxu rejiminin pozulur, gec saatlara qədər telefondan istifadə uşağın kifayət qədər yatmasına mane olur. Bu isə yaddaş, diqqət və öyrənmə qabiliyyətinə mənfi təsir edir. Bundan əlavə sosial şəbəkələr uşaqların oxuma vərdişlərinin zəiflədir. Qısa və sürətli məzmunlara alışan uşaqlar uzun mətnləri oxumaqda və mövzunu dərindən mənimsəməkdə çətinlik çəkə bilərlər.
Sosial şəbəkələrin uşaqların psixologiyasına da mənfi təsir göstərir. Daim bildirişləri yoxlamaq və sosial şəbəkələrdə vaxt keçirmək vərdiş halına gələ bilər. Uşaqlarda narahatlıq və stress yarana bilər.Bəyənmə və izləyici sayı ilə bağlı narahatlıq uşağın özünəinamına təsir göstərə bilər. Başqalarının paylaşdıqları "ideal" həyatla özünü müqayisə etmək özünə inamın azalmasına səbəb olur. Ən önəmlisi isə uşaqlar sosial şəbəkələrdə kiberzorakılığa məruz qala bilər. Təhqir, təhdid və ya lağ obyektinə çevrilmək uşaqlarda qorxu, depressiya və tənhalıq hissi yaradır".
Psixoloq vurğulayıb ki, sosial şəbəkələr uşaqların canlı ünsiyyət bacarıqlarının zəiflədir:
"Virtual ünsiyyətin üstünlük təşkil etməsi sosial münasibətlər qurmaq bacarığını zəiflədə bilər.Bu baxımdan düşünürəm ki, 16 yaşına qədər olan uşaqlara sosial şəbəkələrdə qeydiyyatına məhdudiyyət qoyulması doğru və uşaqların sağlam psixologiyada böyüməsinə, təhsilə olan marağın artırılması istiqamətində verilmiş ən doğru qərardır.
Valideynlər yaxşı olar ki, uşaqların ekran vaxtına yaşa uyğun məhdudiyyətlər qoysunlar.Telefon və planşetdən istifadə qaydaları ailə daxilində əvvəlcədən müəyyən edilməlidir. Uşaqlar idman, kitab oxuma, incəsənət və digər faydalı fəaliyyətlərə təşviq edilməlidir.Məktəblərdə rəqəmsal savadlılıq və internet təhlükəsizliyi mövzularında maarifləndirmə aparılmalıdır.Valideynlər uşaqlarla açıq ünsiyyət quraraq onların onlayn fəaliyyəti ilə maraqlanmalı və qarşılaşdıqları problemləri rahatlıqla bölüşə bilmələri üçün dəstək göstərməlidirlər.Sosial şəbəkələr düzgün və balanslı istifadə edildikdə faydalı informasiya və ünsiyyət vasitəsi ola bilər. Lakin istifadəyə nəzarət olunmadıqda, uşaqların təhsilinə, psixoloji sağlamlığına və sosial inkişafına ciddi mənfi təsirlər göstərə bilər. Ona görə də uşaqların sosial şəbəkələrdə qeydiyyatına məhdudiyyət qoyulması qərarını alqışlayıram".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri