Cennifer Lopezdən iddialı ad günü təbriki

Dünya şöhrətli müğənni və aktrisa Cennifer Lopez bacısı Linda Lopezin ad gününü qeyd etmək üçün Avropaya səfər edib. Məşhur ulduz sosial şəbəkədə paylaşdığı fotolarla izləyicilərinin diqqətini cəlb edib.

Sonxeber.az xarici mediaya istinadla xəbər verir ki, iyulun 24-də 57 yaşı tamam olacaq 56 yaşlı Cennifer Lopez paylaşdığı kadrlarda vannada tort yeyərkən çəkilmiş fotolarını yayımlayıb. Şəkillərdə Linda Lopez də vannanın yanında yerdə əyləşərək ad günü tortunu dadarkən görüntülənib.

Cennifer Lopez paylaşımına "İkiqat ad günü üçün bacılarla istirahət hər zaman əla fikirdir! Səni çox sevirəm, Lynnie! Ad günün mübarək!" sözlərini yazaraq bacısına sevgisini ifadə edib.

Bacıların Avropa turuna Paris Moda Həftəsi və Londonda keçirilən Uimbldon tennis turniri də daxil olub. Səfər zamanı onlar Fransada məşhur İtaliya restoranlarından birində şam yeməyi zamanı görüntüləniblər. Restorandan çıxarkən seçdikləri zövqlü geyimlər də sosial şəbəkələrdə maraqla qarşılanıb.

Telegramda izləyin