Stomatoloqun rəqsi qalmaqala səbəb oldu - VİDEO

Misirdə stomatoloqun iş otağında tibbi xalatla rəqs etdiyi görüntülər ölkədə geniş müzakirələrə səbəb olub.

Sonxeber.az xarici mediaya istinadən xəbər verir ki, diş həkiminin müayinə otağında çəkilən və sosial şəbəkələrdə yayılan videosu qısa müddətdə böyük rezonans doğurub. Bir sıra sosial media istifadəçiləri bu davranışı peşə etikasına zidd hesab edərək tənqid ediblər, digərləri isə görüntülərdə qeyri-adi hal olmadığını bildiriblər.

Artan ictimai reaksiyadan sonra Misirin Səhiyyə Nazirliyi sözügedən stomatoloq barəsində rəsmi araşdırmaya başlayıb. Bildirilib ki, həkimin davranışının peşə etikası və qüvvədə olan qaydalara uyğun olub-olmadığı araşdırılacaq.

Hazırda hadisə ilə bağlı araşdırma davam edir. Səlahiyyətli qurumların araşdırmanın nəticələrinə əsasən müvafiq qərar qəbul edəcəyi gözlənilir.

Telegramda izləyin