Pişiyi ilə oynamaq istəyən Reynmen xəstəxanalıq oldu

Türkiyəli müğənni Reynmen evində yaşadığı xoşagəlməz hadisə ilə gündəmə gəlib. Əsl adı Yusuf Aktaş olan sənətçi oynamaq istədiyi pişiyinin hücumuna məruz qaldığını açıqlayıb.

Müğənni bildirib ki, hadisə nəticəsində bədəninin müxtəlif nahiyələrindən xəsarətlər alıb.

Sonxeber.az xarici mediaya istinadla xəbər verir ki, Reynmen baş verənlərin ardından qan ləkələri olan köynəyinin fotosunu sosial şəbəkə hesabında paylaşaraq hücum zamanı ciddi cızıq və yaralar aldığını qeyd edib.

Hadisədən sonra tibbi müayinədən keçən sənətçi mümkün infeksiya riskinə qarşı profilaktik məqsədlə peyvənd olunduğunu da açıqlayıb.

Reynmenin paylaşımı qısa zamanda sosial şəbəkələrdə geniş müzakirələrə səbəb olub.

Telegramda izləyin