Tanış olmaq istədiyi qızdan "yox" cavabını aldıqdan sonra görün nə etdi - VİDEO

İngiltərənin Bornmut şəhərində gecə klubundan çıxan 20 yaşlı Kleo Leykə hücum edən Eritreya əsilli sığınacaq axtaran Abdoela Berhan 6 ay müddətinə azadlıqdan məhrum edilib.

Sonxeber.az xarici mediaya istinadla xəbər verir ki, hadisə 2024-cü il dekabrın 7-də baş verib. Bildirilir ki, Berhan gənc qadına yaxınlaşmaq istəsə də, rədd cavabı aldıqdan sonra əvvəlcə ona təpik atmağa cəhd edib, daha sonra isə üz nahiyəsinə yumruq endirib. Zərbənin təsirindən huşunu itirən Leykin burnu sınıb, hücum edən şəxs isə hadisə yerindən qaçıb.

Saxlanıldıqdan sonra məhkəmədə özünü müdafiə etdiyini iddia edən Berhanın bu arqumenti təhlükəsizlik kameralarının görüntüləri əsasında qəbul edilməyib. Məhkəmə onun qadına rədd cavabı aldığı üçün zorakılıq tətbiq etdiyi qənaətinə gəlib.

Zərərçəkən hadisədən sonra uzun müddət psixoloji çətinliklər yaşadığını, gecə saatlarında özünü təhlükəsiz hiss etmədiyini bildirib.

Gənc qadının anası verilən 6 aylıq həbs cəzasını yüngül hesab etdiyini açıqlayıb. İngiltərə Daxili İşlər Nazirliyi isə Berhanın cəzasını başa vurduqdan sonra ölkədən deportasiya edilməsi ilə bağlı prosedurun nəzərdən keçiriləcəyini bildirib.

Telegramda izləyin