Son illər ən çox rast gəlinən psixoloji problemlər hansılardır? - AÇIQLAMA
Son illərdə insanlar psixoloji sağlamlıq haqqında əvvəlkindən daha çox danışsalar da, bir çox problemlər hələ də ya yanlış adlandırılır, ya da ümumiyyətlə fərq edilmir.
Bəzən aylarla davam edən narahatlıq, emosional yorğunluq və ya münasibətlərdə təkrarlanan çətinliklər "xasiyyət", "yorğunluq" və ya "stress" kimi qiymətləndirilir. Halbuki bu əlamətlərin arxasında adını belə bilmədiyimiz psixoloji problemlər dayana bilər.
Bəs görəsən son illər ən çox rast gəlinən psixoloji problemlər hansılardır?
Mövzu ilə bağlı psixoloq Gülsər Qədirli bu barədə Sonxeber.az -a açıqlama verib.
"Son illərdə ən çox rast gəldiyimiz, amma insanların adını belə bilmədiyi psixoloji problemlərdən biri yüksək funksionallıqlı narahatlıqdır. Bu insanlar kənardan baxanda son dərəcə uğurlu, məsuliyyətli, nizam-intizamlı və hər şeyi idarə edə bilən biri kimi görünürlər. İşlərini vaxtında görür, sosial həyatlarını davam etdirir, ətrafdakılar tərəfindən nümunə göstərilirlər.
Amma görünməyən tərəfdə davamlı daxili gərginlik yaşayırlar. Beyinləri sanki heç vaxt "dayanmır". Daim ən pis ssenarini düşünür, səhv etməkdən həddindən artıq qorxur, hər şeyi nəzarətdə saxlamağa çalışırlar. Hətta istirahət edərkən belə özlərini günahkar hiss edə bilirlər.
Əksər insanlar bunu psixoloji problem kimi yox, "məsuliyyətli olmaq", "mükəmməlliyyətçilik" və ya "çox düşünmək" kimi qəbul edir. Məhz buna görə də uzun müddət peşəkar dəstəyə müraciət etmirlər.
Digər geniş yayılan, lakin az tanınan problemlərdən biri isə emosional tükənmişlikdir. Bir çox insan bunu sadəcə yorğunluq hesab edir. Halbuki burnout zamanı insan təkcə fiziki deyil, emosional və zehni baxımdan da tükənir. Əvvəllər sevərək gördüyü işlərə marağını itirir, motivasiyası azalır, özünü boş və hissiz hiss etməyə başlayır.
Bu problemlərin vaxtında tanınmaması həm iş həyatına, həm ailə münasibətlərinə, həm də fiziki sağlamlığa mənfi təsir göstərir. Psixoloji sağlamlıqla bağlı maariflənmək və simptomları erkən mərhələdə fərq etmək müalicənin ən vacib hissələrindən biridir"
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri