Məktəbdə ürək bulandıran görüntü! Müəllimə 2 il həbs cəzası verildi

Sinqapurda 41 yaşlı müəllim 13-14 yaşlı qız şagirdlə yolverilməz münasibət qurduğu, ona "ata" deyə müraciət etdirdiyi və gələcəkdə onunla evlənəcəyini vəd etdiyi üçün məhkəmə qarşısına çıxarılıb. Müəllim, başqa bir qız şagirdə də oxşar davranışlar göstərdiyinin üzə çıxmasından sonra təqsirli bilinərək iki il müddətinə azadlıqdan məhrum edilib.

Sonxeber.az xarici mediaya istinadla xəbər verir ki, hadisə 2022-ci ildə baş verib. Dizayn və texnologiya fənnini tədris edən müəllim dərsdənkənar vaxtlarda 13-14 yaşlı qız şagirdlə görüşməyə başlayıb, ona riyaziyyatdan da kömək edib. Tərəflər təxminən beş ay ərzində WhatsApp vasitəsilə ünsiyyətdə olub.

Məhkəmə sənədlərinə əsasən, müəllim şagirddən ona "ata" deyə müraciət etməsini istəyib, özü isə qıza "əziz qızım" deyə xitab edib. O, şagirdin xarici görünüşü ilə bağlı çoxsaylı təriflər səsləndirib. Silinmiş mesajlardan birində isə gələcəkdə onunla evlənəcəyini yazdığı müəyyən edilib.

İstintaq materiallarına görə, müəllim məktəbdə şagirdə qarşı nalayiq hərəkətlər edib. O, söhbətlərdən birində iki ildir həyat yoldaşı ilə cinsi münasibətdə olmadığını da bildirib.

Həmin müəllimə 2 il həbs cəzası verilib.

Telegramda izləyin