Küçə ortasında silahlı təqib: Mübahisə etdiyi şəxsi ayağından güllələdi

Türkiyənin Bursa vilayətinin Orhanqazi rayonunda aralarında əvvəldən ədavət olduğu iddia edilən iki gənc arasında baş verən mübahisə silahlı insidentlə nəticələnib.

Sonxeber.az türk mediasına istinadən xəbər verir ki, məlumata görə, tərəflər arasında yaranan mübahisə qısa zamanda davaya çevrilib. Bu zaman şübhəli şəxs qarşı tərəfi küçəboyu təqib edərək odlu silahla atəş açıb. Güllələrdən biri zərərçəkənin ayağına dəyib və o, yaralanıb.

Əraziyə çağırılan təcili tibbi yardım briqadası yaralını ilk tibbi yardımdan sonra xəstəxanaya çatdırıb. Onun həyatına təhlükə olmadığı bildirilir.

Hadisə ərazidə yerləşən təhlükəsizlik kameraları tərəfindən saniyə-saniyə qeydə alınıb. Görüntülərdə silahlı təqib və atəş anları əks olunub.

Polis hadisəni törədən şəxsin saxlanılması və insidentin bütün təfərrüatlarının araşdırılması istiqamətində əməliyyat-axtarış tədbirlərini davam etdirir.

Telegramda izləyin