Əfsanəvi boksçu doğum günündə öldü: 3 oğlunu və arvadını faciəli şəkildəitirmişdi

Dövrün ən güclü boksçuları, o cümlədən Məhəmməd Əli ilə qarşılaşmasına baxmayaraq, əfsanəvi boksçu heç vaxt nokdauna düşməmişdi

Əfsanəvi kanadalı boksçu Corc Çuvalo 89 yaşında vəfat edib.

Lent.az-ın xarici mediaya istinadən məlumatına görə, onun ölümü sentyabrın 12-də, doğum günündə baş verib.

Çuvalo peşəkar karyerası ərzində 93 döyüşdə iştirak edib, 73-də qalib gəlib, 18-də məğlub olub və iki dəfə heç-heçə edib. Kanadalı boksçunun diqqətəlayiq uğurlarından biri də heç vaxt nokdauna düşməməsidir.

Çuvalo rinqdə iki dəfə - 1966 və 1972-ci illərdə - əfsanəvi Məhəmməd Əli ilə qarşılaşıb. Hər iki döyüş Əlinin xal qələbəsi ilə başa çatıb. O vaxt amerikalı özü Çuvalonu karyerasının ən çətin rəqiblərindən biri adlandırıb.

Kanadalı boksçunun son peşəkar döyüşü 1978-ci ildə olub, o zaman Çuvalo Corc Cerom üzərində üçüncü raundda texniki nokautla qələbə qazanıb.

Çuvalo milli səviyyədə beş dəfə Kanada ağır çəki çempionluğunu qazanıb. İnanılmaz dözümlülüyü ona "Kanadanın ən böyük döyüşçüsü" ləqəbini qazandırıb.

Karyerasını başa vurduqdan sonra Çuvalo ictimai həyatda iştirak etməyə davam edib. O, maarifçi kimi çalışıb, narkomaniya və ruhi sağlamlığın əhəmiyyəti mövzularında mühazirələr oxuyub.

Eyni zamanda, əfsanənin şəxsi həyatı çətin sınaqlarla dolu olub. Çuvalo üç oğlunu və həyat yoldaşını narkotikin həddindən artıq qəbulu və intihar səbəbindən itirdiyini söyləyib.

Sonrakı illərdə boksçu digər sahələri də araşdırıb. O, filmlərdə rol alıb, boks şərhçisi kimi çalışıb və həmçinin nokautlara həsr olunmuş televiziya proqramına aparıcılıq edib.

Telegramda izləyin