İtalyan moda ikonundan olay Türkiyə paylaşımı! - VİDEO

Dünyaca məşhur italiyalı moda ikonası Chiara Ferragni ailəsi ilə birlikdə istirahət üçün Türkiyənin Antalya şəhərinə səfər edib. O, tətil zamanı türk mədəniyyətinə aid ənənələri yaxından tanımaq imkanı qazanıb.

Sonxeber.az xarici mediaya istinadla xəbər verir ki, Ferragni iki övladı, bacısı Francesca Ferragni və bacısının övladları ilə birlikdə istirahət edərkən gün ərzində ailəsi ilə vaxt keçirib, axşam saatlarında isə türk mətbəxinin təamlarını dadıb.

Məşhur model və bloqer Antalya səfəri çərçivəsində ənənəvi türk hamamına da baş çəkib. Burada ona klassik kisə-köpük proseduru tətbiq olunub. Ferragni bu anlardan birini 27,3 milyon izləyicisi olan "Instagram" hesabında paylaşaraq, "Bunu daha əvvəl heç vaxt sınamamışdım" qeydini yazıb.

Qeyd edək ki, Chiara Ferragni daha əvvəl də Türkiyənin istirahət bölgələrinə maraq göstərdiyini bildirib. O, ötən yay da Aralıq dənizi sahillərində dincəlib və Türkiyənin dənizi, təbiəti və kurortlarını yüksək qiymətləndirdiyini ifadə etmişdi. Bu dəfə isə yenidən Antalyada olmaqdan məmnunluğunu izləyiciləri ilə bölüşüb.

Telegramda izləyin