Qanunsuz tikililərə qarşı tədbirlər gücləndirilib - VİDEO

stanbulun Sultanbəyli rayonunda qanunsuz tikililərlə mübarizə çərçivəsində bələdiyyənin zabitə əməkdaşları qanunvericiliyə zidd inşa edilən tikililərin söküntüsünü həyata keçiriblər.

Sonxeber.az xarici mediaya istinadla xəbər verir ki, Sultanbəyli Bələdiyyəsinin Zabitə İdarəsinin əməkdaşları rayon ərazisində şəhərsalma qaydalarını pozaraq tikilən əlavə tikililər, mərtəbələr və digər qanunsuz obyektlərlə bağlı nəzarət tədbirlərini davam etdirirlər. Aparılan yoxlamalar nəticəsində layihəyə və mövcud qaydalara uyğun olmadığı müəyyən edilən tikililərin sökülməsinə başlanılıb.

Yoxlamalar zamanı ev sahiblərindən biri zabitə əməkdaşlarına "Belə qalsa nə olacaq?" sualını ünvanlayıb. Buna cavab olaraq əməkdaşlar qanunsuz tikililərə güzəşt edilməyəcəyini bildirərək, tikilinin əvvəlki vəziyyətinə qaytarılmasının vacibliyini vurğulayıblar.

Zabitə əməkdaşları bildiriblər ki, qanunsuz tikili aradan qaldırılmadığı təqdirdə məsələ bələdiyyənin müvafiq qərarverici orqanına çıxarılacaq. Qərar qəbul edildikdən sonra tikili söküləcək, eyni zamanda tikili sahibinə yüksək məbləğdə inzibati cərimə tətbiq olunacaq.

Telegramda izləyin