Üç uşaq anası estetik əməliyyatdan sonra ölüb - "Bacımı torpağın altına qoydu..."

Üç uşaq anası estetik əməliyyatdan sonra ölüb - "Bacımı torpağın altına qoydu...""Mən bilmirəm "National Prime Hospital"ın estetik cərrahı Nicat Həsənov qarın kəsir, yoxsa burun? Onu bilirəm ki, bu həkim 35 yaşlı bir qadını torpağın altına qoydu..."

Bu iddialarla "Qafqazinfo"ya adıçəkilən həkim tərəfindən icra olunan əməliyyatdan sonra vəfat edən Nərmin Zeynalovanın bacısı Günay Əsgərova müraciət edib.

O bildirib ki, fevralın 17-də bacısı abdominoplastika (red- qarın nahiyəsindəki artıq dərini və piyləri çıxarmaq, zəifləmiş əzələləri bərpa etmək və daha düz bir görünüş yaratmaq üçün edilən cərrahi əməliyyat) etdirib: "4-5 gün xəstəxanada qaldı. Evə gəldikdən sonra isə vəziyyəti yaxşı deyildi. Həkimə bunu bildirsək də, qabaqlayıcı heç bir müalicə yazmadı. Bir neçə gün sonra yoxlanışa getdik, həkim dəri altına qoyulan şlanqları (drenlər) çıxartdı. Bacımın vəziyyəti heç yaxşı olmurdu, nə düzgün qidalanırdı, nə də yata bilirdi.

Həkim sadəcə iki dərman yazdı, biri seftriakson antibiotik, digəri isə ketonal. Halbuki bu dərmanları insanlar qripə və digər yüngül ağrılara qarşı istifadə edirlər. Biz sonradan bildik ki, bacımda 3 əməliyyat icra olunub, ancaq sadəcə birindən məlumatlı idik. Axı bu necə ola bilər? Sən demə, 3 ağır əməliyyat keçirib. Belə ki, qarıngərmə ilə yanaşı, liposaksiya (red-bədənin müəyyən nahiyələrindən pəhriz və idmanla getməyən artıq piylərin xüsusi vakuum vasitəsilə sorulub çıxarılması üzrə estetik cərrahiyyə və bədən şəkilləndirmə proseduru) və popofilinq də (red-müvafiq nahiyənin formasını yaxşılaşdırmaq, həcm vermək və ya simmetriya yaratmaq məqsədilə edilən estetik prosedurdur) olub.
Üç uşaq anası estetik əməliyyatdan sonra ölüb - "Bacımı torpağın altına qoydu..."Bu qədər ağır əməliyyatdan sonra isə sadəcə antibiotik yazmışdı. Nəticədə bacım artıq şlanqlar çıxarıldıqdan sonra evdə boğularaq vəfat etdi. O həkim bir dəfə də geriyə dönüb baxmadı..."

Mərhumun bacısının sözlərinə görə, həkim əməliyyat zamanı xəstəyə ailəsindən xəbərsiz qan vurub: "Bu 3 əməliyyatdan xəbərimiz olmadığı kimi, əlavə qan vurulmasından da xəbərsizdik. Belə ki, proses bitdikdən sonra dedilər ki, "qan pulu borcunuzu ödəyin". Mən anlamıram, əgər bu orqanizm çatdıra bilmirdisə, niyə bizdən xəbərsiz bu qədər əməliyyat icra olunub? Həkim bacım vəfat etdikdən sonra özündə heç bir günah görmədi, kobud danışdı. Getdik yanına, qışqıraraq dedi ki, "məndən nə istəyirsiniz, kimə şikayət edirsinizsə, edin, mənim əlimdə ekspert rəyi var".

Üç uşaq anası estetik əməliyyatdan sonra ölüb - "Bacımı torpağın altına qoydu..."Bacımın vəfatından sonra ekspert rəyi verildi. Rəydə qeyd olunub ki, trombdan ölüb. Bəs belə idisə, niyə tromba görə ağrıkəsici yazmışdı? Ümumilikdə xəstəxanaya 3600 manat pul ödəmişdik. Onu da qaytarmaq istəmirdilər. Bizim təkidimizlə qaytardılar və orada yazılmışdı ki, "ailənin maddi durumu aşağı olduğuna görə, ödəniş geri verilir".

Niyə belə minnət edirlər anlamıram. Atam əlildir, anam xəstədir. Geridə bacımın 3 azyaşlı uşağı qalıb. O həkim bir düşünmədi ki, 35 yaşlı bir qadını torpağın altına qoydu. Hələ bizə deyir ki, "gördüyüm işə arxayınam", budur gördüyün iş? Çıxıb cavab verməlidir. Xəstəxana ilə bağlı heç bir sənədimiz, arayışımız da yoxdur".

Fevralın 17-də əməliyyat edilən Nərmin Zeynalova 3 gün sonra evə buraxılıb. Həmin ayın 24-ü yenidən müayinə üçün hospitala gedib, 25-i səhər saatlarında isə yaşadığı ünvanda ölüb.

Şikayətçi həmçinin qeyd edib ki, klinika rəhbərliyindən bir neçə şəxs mərhumun yas mərasiminə gələrək ailəyə maddi yardım göstərmək istəyiblər: "Özlərində günah görmürlər, hətta deyirlər ki, "nə etməliydik?! Yasa da gəlmişik". Yasa hamı gəlir, küsülü də, qanlı da, yad da. Yasın ortasında gəlib bizə pul təklif etdilər ki, "maddi dəstək olaq". Mənə pul lazımdır? Nəyi qaytaracaqsınız? Yasın ortasında belə şey edərlər? Onlar bizə başsağlığı vermədilər, pul təklif etdilər..."

Üç uşaq anası estetik əməliyyatdan sonra ölüb - "Bacımı torpağın altına qoydu..."İddialarla bağlı estetik cərrah Nicat Həsənovla əlaqə saxlamağa çalışsaq da, zənglərimizə və mesajlarımıza geridönüş ala bilmədik.

Şikayətçinin saytımıza göndərdiyi sənədlərdən aydın olur ki, sözügedən ölüm faktı əsasında cinayət işinin başlanması rədd edilib. Nərimanov rayon prokurorluğunun qərarında deyilir ki, Nərmin Zeynalovanın əməliyyatı və müalicəsi zamanı plastik cərrah Həsənov Nicat Bəxtiyar oğlu və digər şəxslər tərəfindən onun üzərində aparılmış tibbi müdaxilələr (cərrahiyyə əməliyyatları) təyin edilmiş diaqnoza və vəziyyətinə uyğun olub. Ona göstərilmiş tibbi xidmət zamanı səhiyyə sistemində mövcud olan təlimat qaydalarının tələblərinə uyğunsuzluq müəyyən edilməyib.

Məsələ ilə əlaqədar Analitik Ekspertiza Mərkəzinə (AEM) də sorğu ünvanladıq. Qurumdan cavab olaraq bildirildi ki, araşdırma aparılması üçün vətəndaşın mərkəzə birbaşa müraciət etməsi lazımdır: "Göstərilən tibbi xidmətin keyfiyyətindən narazıdırlarsa, o zaman qanunvericiliyə əsasən, hüquq-mühafizə orqanlarına müraciət etməlidirlər. Bu halda məhkəmə-tibbi ekspertizası təyin edilir və tibbi xidmətin necə göstərilməsi ilə bağlı rəy verilir. AEM isə öz növbəsində, təsdiqedici sənədlərlə birgə rəsmi müraciət olduğu halda araşdırma aparır, həmin klinikanın və həkimin göstərilən fəaliyyət üzrə müvafiq sənədlərinin olub-olmamasını müəyyən edir. Fakt öz təsdiqini taparsa, qanunvericiliyə uyğun lazımi tədbirlər görülür.

Ortada ölüm faktı varsa, artıq məsələ hüquq-mühafizə orqanlarının səlahiyyətinə keçir. Onlar araşdırır və ehtiyac olarsa, bizə müraciət etdikləri halda rəyimizi onlara təqdim edirik".


Sonxeber.az
Telegramda izləyin
Sosial   Baxılıb: 1389   Tarix: 05 avqust 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

"Mahal MTK"da rüşvət və özbaşınalıq - Müştəriləri belə aldadırlar

Sumqayıt şəhərində fəaliyyət göstərən "Mahal MTK" tərəfindən tikilib sakinlərə təhvil verilməli olan mənzillərlə bağlı ciddi problemlər yaranıb. Tikinti şirkətinin qanunsuz tələbləri və vədlərinə əməl etməməsi vətəndaşların haqlı narazılığına səbəb olub. Məlumata görə, "Mahal MTK"

16 noyabr
.

Bakıda müşavirələr keçirildi - Qarlı havalara hazırlıq tədbirləri müzakirə olundu

Bakı şəhərinin bütün rayonlarında təsdiq edilmiş tədbirlər planlarına uyğun qış mövsümündə qarlı havalara hazırlıq tədbirləri davam edir. xəbər verir ki, ilk növbədə şəhər və rayon kommunal xidmətlərinin xüsusi təyinatlı texnikaları hazır vəziyyətə gətirilib, bir sıra yaşayış və qeyri yaşayış binalarınd

17 noyabr
.

Saatlıq əməkhaqqı sistemi tətbiq ediləcək

Azərbaycanda saatlıq əməkhaqqı sistemi tətbiq ediləcək. "Qafqazinfo" xəbər verir ki, bu, Milli Məclisin bu gün keçirilən iclasında müzakirə edilən Əmək Məcəlləsinə təklif edilən dəyişiklikdə əksini tapıb. Layihəyə əsasən, aşağıdakı hallardan biri olduqda saatlıq əməkhaqqı müəyyən ediləcək:

17 noyabr
.

"Boranı" restoranında tək yeyib-içmək olmaz? - Video

Sosial şəbəkələrdə "Boranı" restoranlar şəbəkəsi ilə bağlı şikayət yayılıb. xəbər verir ki, şikayətçinin iddiasına görə, restoranın "Neftçilər" metrosu yaxınlığında yerləşən filialına tək daxil olmaq istəyən müştəriyə icazə verilməyib. Ona bildirilib ki, yalnız 3-4 nəfərlə gəldikd

16 noyabr
.

Bakıda DƏHŞƏT: Avtobus gənc qızı vuraraq öldürdü

Bakıda səhər saatlarında ölümlə nəticələnən yol-nəqliyyat hadisəsi baş verib. -in "qaynar xətti"nə daxil olan məlumata görə, hadisə Koroğlu metrostansiyasının çıxışında qeydə alınıb. "Daewoo" markalı sərnişin avtobusu yolu keçən gənc qızı vurub. Zərbənin təsirindən ağır xəsarət ala

16 noyabr
.

Deputat Ağalar Vəliyevin oğluna məxsus "Kristal Bakı" vətəndaşları aldadır?

Ölkənin aparıcı tikinti şirkətlərindən biri olan "Kristal Bakı" ASC (VÖEN - 3103396091) satışa çıxardığı mənzilləri alıcılara fərqli qiymətlərlə təqdim edir. "Real Azərbaycan" xəbər verir ki, şirkətin rəsmi saytı - " vasitəsilə satışa çıxarılan mənzillərin aylıq ödəniş məbləğlər

16 noyabr
.

Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA

Dünya bazarında ərzaq məhsullarının qiymətində azalma müşahidə olunsa da, bu tendensiya Azərbaycanın daxili bazarında özünü eyni şəkildə göstərmir. FAO-nun oktyabr ayı üzrə göstəricilərinə əsasən, qlobal Ərzaq Qiymətləri İndeksi 1,2 faiz azalıb. Azərbaycanda isə əksinə, həmin ay ət və ət məhsulları

17 noyabr
.

637 balla universitetə qəbul olmuşdu: Yataqxanada ölən tələbə ilə bağlı yeni təfərrüat

Yataqxanada meyiti tapılan tələbə qızın ölümü ilə bağlı bəzi təfərrüat məlum olub. -a istinadən xəbər verir ki, 2007-ci il təvəllüdlü Elmira Eyyubova 2024-cü ildə 637 bal toplayaraq Azərbaycan Tibb Universitetinə qəbul olub. O, universitetin yataqxanasına bir müddət əvvəl köçübmüş. Elmira iki il Bakıd

16 noyabr
.

Novxanıda sərnişinlər avtobusda ekstrim yaşadı - Video

Paytaxtın Zabrat qəsəbəsi ilə Novxanı qəsəbələrini birləşdirən 537 saylı müntəzəm marşrut xəttində maraqlı anlar yaşanıb. "Qafqazinfo" xəbər verir ki, Novxanı qəsəbəsi istiqamətində əsas yolun bağlı olması səbəbindən nəqliyyat vasitələri çimərliklərin ərazisi ilə hərəkət etməli olub. Bu zama

16 noyabr