"Azərbaycan ilə Ukrayna arasında münasibətlər uzun illər ərzində formalaşmış dostluq və faydalı əməkdaşlığa əsaslanır" - DEPUTAT

Azərbaycan ilə Ukrayna arasında münasibətlər uzun illər ərzində formalaşmış dostluq, qarşılıqlı hörmət və faydalı əməkdaşlığa əsaslanır.hər iki ölkə müstəqillik əldə etdikdən sonra siyasi, iqtisadi, enerji, nəqliyyat, humanitar və digər sahələrdə əlaqələri inkişaf etdirməyə xüsusi önəm verib. Azərbaycan ilə Ukrayna arasında iqtisadi əməkdaşlıq son illərdə ticarətlə yanaşı, enerji, nəqliyyat, logistika, infrastruktur və yenidənqurma istiqamətlərini də əhatə edir.

Əsas əməkdaşlıq istiqamətləri

Ticarət: İki ölkə arasında qarşılıqlı mal və xidmət ticarətinin genişləndirilməsi iqtisadi əlaqələrin əsas istiqamətlərindəndir.

Energetika: Azərbaycanın enerji şirkətləri, xüsusilə SOCAR vasitəsilə Ukrayna ilə enerji sahəsində əməkdaşlığın inkişafı imkanları müzakirə olunur.

Nəqliyyat və logistika: Orta Dəhliz Azərbaycan-Ukrayna iqtisadi əlaqələrinin mühüm istiqamətlərindən biridir. Bu marşrut Avropa ilə Asiya arasında yükdaşımaların sürətləndirilməsi və regional bağlantıların gücləndirilməsi üçün əhəmiyyət daşıyır.

İnfrastruktur və yenidənqurma: Azərbaycanın Ukraynanın yenidən qurulması prosesində iştirakı üçün imkanlar mövcuddur. Bu sahədə tikinti, infrastruktur və şəhərsalma layihələri perspektivli istiqamətlərdir.

Sənaye: Tərəflər sənaye sahəsində birgə layihələrin və biznes əlaqələrinin genişləndirilməsində maraqlıdırlar.
İqtisadiyyat Nazirliyi

İnvestisiya: Qarşılıqlı investisiyaların artırılması və Azərbaycan-Ukrayna şirkətləri arasında yeni biznes layihələrinin yaradılması iqtisadi əməkdaşlığın gələcək istiqamətlərindəndir.

2026-cı ilin mayında Azərbaycanın İqtisadiyyat naziri Mikayıl Cabbarov Ukraynanın yenidənqurma işləri üzrə Baş nazir müavini Oleksiy Kuleba ilə görüşündə iqtisadi-ticarət əməkdaşlığının inkişafını müzakirə edib. Görüşdə xüsusilə Orta Dəhliz, sənaye, energetika, infrastruktur, nəqliyyat və tranzit sahələrində əməkdaşlığın genişləndirilməsi vurğulanıb.
Azərbaycan-Ukrayna iqtisadi əlaqələrinin gələcəkdə daha da genişlənməsi üçün ən böyük imkanlar Orta Dəhliz, enerji, logistika, Ukraynanın yenidən qurulması, sənaye və investisiya sahələrindədir. Bu əməkdaşlıq həm iki ölkənin iqtisadi inkişafına, həm də Azərbaycan üzərindən Avropa-Asiya nəqliyyat bağlantılarının güclənməsinə töhfə verə bilər.

Prezident İlham Əliyevin Ukrayna Prezidenti Volodimir Zelenskinin Azərbaycana son səfəri zamanı verdiyi bəyanat iki ölkə arasında münasibətlərin yüksək səviyyədə olduğunu göstərən mühüm mesajlarla yadda qaldı.

Azərbaycanın xarici işlər naziri Ceyhun Bayramov avqustun 6-da Ukraynaya rəsmi səfərə gedib. O, Kiyevdə Ukraynanın xarici işlər naziri Andriy Sibiqa və digər rəsmi şəxslərlə görüşlər keçirib. Ceyhun Bayramov ukraynalı həmkarı Andrey Sibiqa ilə keçirdiyi mətbuat konfransınsda bildirib ki, Zərurət yaranarsa, dost Ukraynaya da qaz tədarük etməkdən məmnun olarıq.Bu gün Azərbaycan dünyanın 16 ölkəsinə, o cümlədən 10-u Avropa İttifaqının üzvü olmaqla ümumilikdə 12 Avropa ölkəsinə qaz tədarük edir. Qeyd edim ki, Azərbaycanın Ukraynaya təbii qaz satışı 2025-ci ildə praktik mərhələyə keçib.28 iyul 2025-ci ildə Ukraynanın dövlət enerji şirkəti Naftogaz ilk dəfə Azərbaycan qazının alınması ilə bağlı SOCAR Energy Ukraine ilə müqavilə imzalayıb. İlk tədarük sınaq həcmi şəklində həyata keçirilib və qaz Trans-Balkan marşrutu ilə - Bolqarıstan, Rumıniya və Ukrayna istiqamətində - çatdırılıb. Ukrayna tərəfi bu tədarükü enerji mənbələrinin şaxələndirilməsi və enerji təhlükəsizliyinin gücləndirilməsi baxımından strateji addım kimi qiymətləndirib.

Bu ilin iyulunda Azərbaycanın Ukraynaya qaz tədarükünün genişləndirilməsi imkanlarının müzakirə edilib.Ukraynanın Azərbaycandakı səfiri Yuriy Husev qeyd edib ki, əvvəlki razılaşmanın nəticəsində pilot həcmdə Azərbaycan qazı Ukraynaya çatdırılıb və enerji əməkdaşlığının dərinləşdirilməsi üçün yeni imkanlar gözlənilir. Bu əməkdaşlıq Azərbaycan üçün yeni qaz bazarının formalaşması, Ukrayna üçün isə enerji mənbələrinin diversifikasiyası baxımından əhəmiyyətlidir. Gələcəkdə tədarük həcmlərinin artırılması Azərbaycan-Ukrayna iqtisadi və enerji əlaqələrinin daha da möhkəmlənməsinə şərait yarada bilər.

Səfər çərçivəsində müzakirə edilən əsas məsələlərdən biri də Azərbaycan-Ukrayna strateji tərəfdaşlığının inkişafı və siyasi dialoqun gücləndirilməsi oldu. Ümumilikdə, Ceyhun Bayramovun səfəri Azərbaycan-Ukrayna münasibətlərində yüksək səviyyəli siyasi dialoqun davam etdirilməsi baxımından əhəmiyyətlidir. Eyni zamanda, Azərbaycanın Ukraynanın ərazi bütövlüyü və suverenliyinə verdiyi dəstəyin, həmçinin humanitar və iqtisadi əməkdaşlığın davam etdirilməsinin göstəricisi kimi qiymətləndirilə bilər. Səfər həm də Azərbaycanın Ukrayna ilə münasibətlərini inkişaf etdirərkən balanslaşdırılmış xarici siyasət kursunu davam etdirdiyini göstərir.

Vüqar İskəndərov
Milli Məclisin deputatı

Telegramda izləyin