Pişiklər niyə gündə 16 saata qədər yatır? - Əsl səbəb
Demək olar, hər bir pişik sahibi ev heyvanının günün yarısını yataraq keçirdiyini müşahidə edib. Yetkin pişiklər sutkada 12-16 saat, balalar və yaşlı pişiklər isə daha uzun müddət yatır. Lakin bunun sadəcə enerji toplamaqla bağlı olduğu fikri yalnız qismən doğrudur. Mütəxəssislərin sözlərinə görə, pişiklər fasiləsiz şəkildə uzun müddət yatmır.
Lent.az xarici mediaya istinadən xəbər verir ki, onların yuxusu gün ərzində bir neçə hissəyə bölünür. Pişiklərin bir yuxu mərhələsi orta hesabla 78 dəqiqə davam edir.
Pişiklər qısa və sürətli hücumlar üçün yaradılıb
Pişiklərin saatda 50 kilometrə yaxın sürət yığa bildiyi deyilsə də, onların real maksimal sürəti təxminən 48 kilometrdir. Adətən isə pişiklər saatda 32-40 kilometr sürətlə qaçır. Bu heyvanlar uzunmüddətli qaçış üçün deyil, qısa və sürətli hücumlar üçün yaradılıb.
Pişiklər pusquda gözləyir, münasib anı seçir, sürətlə hərəkətə keçir və dərhal dayanır. Onların arxa ayaqları yay kimi işləyir, elastik onurğası isə addım məsafəsini artırır. Pişiklər əsasən sübh və axşam saatlarında daha fəal olur. Buna görə də günün və gecənin böyük hissəsində yatmaları onların təbii həyat ritminə uyğundur.
Uzun yuxunun əsas səbəbi enerji toplamaq deyil
Alimlərin fikrincə, bir neçə saniyəlik sürətli qaçış pişiyin 14 saat yatmasını izah edəcək qədər böyük enerji itkisi yaratmır. 1974-cü ildə 53 məməli növ üzərində aparılan araşdırma yuxu müddətinin maddələr mübadiləsinin sürəti ilə artdığını göstərib. Lakin sonrakı tədqiqatlarda dərin yuxu zamanı qənaət edilən enerjinin çox az olduğu müəyyənləşib. Buna görə də bir çox alim enerjiyə qənaətin yuxunun əsas funksiyası olmadığını düşünür.
Müqayisəli araşdırmalar göstərir ki, məməlilərin yuxu müddətinə maddələr mübadiləsi, bədən ölçüsü və başqa heyvanlara yem olmaq riski təsir edir. Daim ovlanan heyvanlar daha az və daha yüngül yatır. Özü kiçik yırtıcı olan və nadir hallarda hücuma məruz qalan heyvanlar isə uzun və dərin yuxuya gedə bilir.
Pişik təhlükəsiz olduğu üçün çox yatır
Ev pişikləri üçün həyat şəraiti xüsusilə təhlükəsizdir. Onları təqib edən yırtıcı yoxdur, yeməkləri vaxtında verilir və gün ərzində əsas seçimləri yatmaq üçün ən günəşli yeri tapmaq olur. Buna görə pişiklərin uzun müddət yatması ovdan sonra qüvvələrini bərpa etmək ehtiyacından daha çox, özlərini təhlükəsiz hiss etmələri ilə əlaqələndirilir. Başqa sözlə, pişik növbəti hücuma hazırlaşmaq üçün deyil, uzun müddət yatmağa imkanı olduğu üçün bu qədər çox yatır.
Pişiklərlə bağlı maraqlı fakt
Alimlər müəyyən edib ki, pişiklərin bir-birini yalaması hər zaman sevgi və qayğı əlaməti deyil. Bəzən bir pişik digərini israrla yalayaraq onu rahat yerdən uzaqlaşdırmağa çalışır. Gent Universitetinin tədqiqatçıları iki və daha çox pişiyin yaşadığı 53 ailənin videolarını araşdırıb. Nəticədə iki fərqli davranış modeli müəyyənləşdirilib. Birinci halda pişiklər mırıldanaraq və yaxın təmas quraraq mehriban davranıb. İkinci halda isə pişiklərdən biri uzaqlaşmağa çalışıb və qarşılıqlı əlaqə tez-tez mübahisə ilə başa çatıb.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Novxanıda sərnişinlər avtobusda ekstrim yaşadı - Video
Rəşid Mahmudovun evində partlayış baş verib?
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
Azərbaycan-Böyük Britaniya münasibətlərində yeni mərhələ başlayır
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya arasında əməkdaşliq perspektivləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA