Qarayara xəstəliyi insana belə keçir - Həkimdən XƏBƏRDARLIQ
Samux rayonunda qarayara xəstəliyinin qeydə alınması əhali arasında xəstəliyin yoluxma yolları və mümkün risklərlə bağlı narahatlıq yaradıb. AQTA, Səhiyyə Nazirliyi və TƏBİB-in məlumatına görə, hadisə üzrə ilkin epidemioloji araşdırmada şübhəli şəxslərin iribuynuzlu heyvanlarla təması müəyyən edilib və xəstəlik əsasən xəstə və ya tələf olmuş heyvanlarla, eləcə də onların yoluxmuş toxumaları və məhsulları ilə təmas nəticəsində insana keçir.
Bəs, qarayara insan üçün hansı riskləri yaradır, xəstəlik insandan insana keçə bilərmi, əsas yoluxma mənbələri hansılardır və vətəndaşlar, xüsusilə heyvanlarla təmasda olan şəxslər, xəstəlikdən qorunmaq üçün hansı tədbirlərə əməl etməlidirlər?
Məsələ ilə bağlı Sonxeber.az-a açıqlama verən tibb eksperti Adil Qeybulla bildirib ki, qarayara və ya Sibir xorası, rus dilində "Sibirskaya yazva" adlandırılan, bakteriyaların törətdiyi xüsusi təhlükəli infeksiyadır.
"Qarayara zoonoz infeksiyadır, yəni heyvanlardan insanlara keçə bilir. Xəstəliyin törədicisi ətraf mühitə, torpağa və suya düşdükdə illərlə spor şəklində qala bilir. İnsan və ya heyvan orqanizminə düşdükdə isə fəallaşaraq xəstəliyə səbəb olur. Vəhşi təbiətdə bəzən bir populyasiyada, məsələn, eyni ərazidə yaşayan yüzlərlə heyvan arasında qarayaradan kütləvi tələfat baş verə bilər. Yoluxmuş heyvanın ağız suyu, yaralarından gələn ifrazatlar və digər bioloji mayelərində xəstəliyin törədiciləri ola bilər. Bu səbəbdən həmin heyvanlara qulluq edən şəxslərin də yoluxma riski var".
Ekspert bildirib ki, insanda xəstəlik zamanı dəridə yara əmələ gəlir və yaranın ortası qara ərp və ya qartmaqla örtülür:
"Xəstəliyin ilkin əlamətləri qripə bənzəyə bilər: üşütmə, halsızlıq, zəiflik, baş və bel ağrıları, yüksək hərarət. Lakin sonradan vəziyyət ağırlaşa, arterial təzyiq düşə və şok yarana bilər. Qarayara həmçinin bioloji silah kimi istifadə oluna bilən təhlükəli infeksiyalardan biridir. Buna görə belə hallar aşkarlandıqda yoluxmanın qarşısının alınması üçün dərhal müvafiq tədbirlər görülür və zəruri hallarda karantin tətbiq olunur".
Onun sözlərinə görə, xəstəlik əsasən yoluxmuş heyvanlarla təmas nəticəsində insanlara keçir:
"Böyük epidemiyalara səbəb olmasa da, vaxtında tədbirlər görülməsi vacibdir. Xəstələnmiş şəxslərin müalicəsində antibakterial preparatlardan, o cümlədən antibiotiklərdən istifadə olunur. Yoluxmuş heyvanlarla bağlı isə müvafiq baytarlıq tədbirləri həyata keçirilir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri