Bu məhsulu alarkən DİQQƏTLİ OLUN: Zəhərlənməyə səbəb ola bilər
Kartofun yaşıllaşması, cücərməsi və düzgün saxlanılmaması onun tərkibində təbii olaraq mövcud olan qlikoalkaloidlərin, xüsusilə solanin və α-sakonin kimi maddələrin miqdarının artmasına səbəb ola bilər. Bu isə kartofun təhlükəsizliyi ilə bağlı diqqətli olmağı zəruri edir.
Bəs, istehlakçı kartof alarkən və evdə saxlayarkən hansı əlamətlərə diqqət yetirməli, hansı hallarda yaşıllaşmış, cücərmiş və ya yumşalmış kartofun istifadəsindən imtina etməlidir?
Məsələ ilə bağlı Sonxeber.az-a açıqlama verən qida eksperti İlkin Şirinov bildirib ki, kartofun yaşıllaşması, cücərməsi və yumşalması zamanı tərkibində təbii olaraq qlikoalkaloidlərin, xüsusilə də solaninin miqdarı arta bilər. Bu maddələrin yüksək miqdarda qəbulu ürəkbulanma, qusma, baş ağrısı və hətta zəhərlənmə kimi əlamətlərə səbəb ola bilər.
"İstehlakçı kartof alarkən ilk növbədə güclü yaşıllaşmış kartofları almamalıdır. Çünki yaşıl rəng qlikoalkaloidlərin, o cümlədən solaninin artması ilə əlaqəli ola bilər. Həmçinin uzun müddət cücərmiş, büzüşmüş, həddən artıq yumşalmış və çürümüş kartofların alınması və istehlakı düzgün deyil. Kartofu bişirərkən acı dad hiss olunursa, bu da xəbərdarlıq əlamətidir. Bir məqamı da qeyd etmək lazımdır ki, kartofun yaşıl rəngini birbaşa solanin yaratmır. Yaşıllaşma xlorofilin yaranması ilə bağlıdır, lakin bu proses kartofda qlikoalkaloidlərin miqdarının artması ilə müşayiət oluna bilər. Solanin yüksək miqdarda qəbul edildikdə ürəkbulanma, başgicəllənmə, qarın ağrısı, ishal və halsızlıq kimi əlamətlərə, daha ağır hallarda isə zəhərlənməyə səbəb ola bilər. Sağlam kartofda isə normal miqdarda olan bu maddələr problem yaratmır".
Ekspert bildirib ki, kartofun saxlanma şəraitinə də diqqət etmək lazımdır:
"Onu qaranlıq, sərin və quru yerdə saxlamaq daha məqsədəuyğundur. İşıq kartofun yaşıllaşmasını sürətləndirir. Təxminən 7-10 dərəcə temperaturda, havalandırılan şəraitdə saxlanması mümkündür. Kağız kisələrdən və karton qutulardan istifadə etmək olar. Kartofu sellofan paketlərdə və günəş şüalarının altında saxlamaq düzgün deyil. Həmçinin saxlanmaq üçün ayrılan kartofu əvvəlcədən yumaq məsləhət görülmür. Yuma nəmişlik yaradaraq cücərmə prosesini sürətləndirə bilər. Kartofu saxlamaqdan əvvəl deyil, istifadə etməzdən əvvəl yumaq daha düzgündür".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri