Həkim müalicəsindən narazı qaldıqda rəsmi şikayət edə bilərsiniz - AÇIQLAMA
Tibbi müdaxilədən sonra xəstənin səhhətində arzuolunmaz nəticənin yaranması ilə bağlı Ali Məhkəmənin açıqlaması həkim səhvi ilə müalicənin gözlənilən nəticəni verməməsi arasındakı hüquqi fərqi gündəmə gətirir. Tibbi müdaxilənin nəticəsinin mənfi olması öz-özlüyündə həkimin peşə vəzifəsini pozduğunu göstərmir; bunun üçün tibbi yardımın göstərilməsi zamanı qanunvericilik və peşə tələblərinin pozulub-pozulmadığı və həmin pozuntunun yaranmış zərərlə səbəbli əlaqəsi araşdırılmalıdır.
Bəs, pasiyentin müalicənin nəticəsindən narazı qalması hansı hallarda həkim səhvi və ya hüquq pozuntusu kimi qiymətləndirilə bilər, bunun müəyyənləşdirilməsi zamanı hansı meyarlar əsas götürülür və vətəndaş tibbi xidmət nəticəsində hüquqlarının pozulduğunu düşünürsə, öz hüquqlarını hansı yollarla müdafiə edə bilər?
Məsələ ilə bağlı Sonxeber.az-a açıqlama verən vəkil Cavanşir Qasımzadə bildirib ki, Ali Məhkəmənin mövqeyi tibbi risk hüququnun əsas prinsiplərinə söykənir, müalicənin arzuolunmaz nəticələnməsi ilə hüquqi mənada həkim səhvi və ya təqsiri eyni anlayışlar deyil:
"Xəstənin nəticədən narazı qalması subyektiv göstəricidir və bu insan orqanizminin fərdi reaksiyalarındn, xəstəliyin ağırlıq dərəcəsindən və ya tibbin mövcud imkanlarının məhdudluğundan qaynaqlana bilər. Hüquqi baxımdan həkim səhvi və ya tibbi səhlənkarlıq isə obyektiv fakt tələb edir və tibb işçisinin üzərinə düşən vəzifələri, tibbi standartları, protokolları pozması, lazımi diqqəti göstərməməsi nəticəsində zərər vurulması deməkdir. Yəni, həkim nəticəyə görə deyil, müalicə prosesində standartlara riayət edib-etməməyinə görə məsuliyyət daşıyır".
Vəkil bildirib ki, əgər həkim bütün tibbi standartlara düzgün əməl edibsə, lakin obyektiv səbəblərdən arzuolunmaz ağırlaşma baş veribsə, bu, tibbi risk hesab olunur və hüquqi məsuliyyət yaratmır:
"Müalicənin nəticəsindən narazı qalan və ya hüquqlarının pozulduğunu düşünən vətəndaş öz maraqlarını müdafiə etmək üçün ilk növbədə tibb müəssisəsindən bütün tibbi sənədlərin təsdiqlənmiş surətlərini tələb etməlidir. Xidmətin keyfiyyətini yoxlamaq üçün Səhiyyə Nazirliyinə və ya TƏBİB-ə rəsmi şikayət ünvanlana, ekspert komissiyasının araşdırması tələb edilə bilər. Həmçinin vətəndaş dəymiş maddi və mənəvi ziyanın əvəzinin ödənilməsi tələbi ilə məhkəməyə müraciət edə bilər ki, burada da həlledici sübut həkimin hərəkətləri ilə nəticə arasında səbəbli əlaqəni müəyyən edən Məhkəmə-Tibbi Ekspertizası Komissiyasının rəyidir".
Onun sözlərinə görə, əgər həkimin əməlində ciddi səhlənkarlıq və ya cinayət tərkibi əlamətləri varsa, hüquq-mühafizə orqanlarına müraciət edərək cinayəttəqibinin başlanılmasını tələb etmək hüququ da mövcuddur.
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri