Səyahət etmək istəyənlərin NƏZƏRİNƏ: Aviabiletlər BAHALAŞACAQ
Yaxın Şərqdə davam edən geosiyasi gərginlik aviasiya yanacağının qiymətinə, uçuş marşrutlarına və aviaşirkətlərin xərclərinə təsir göstərərək beynəlxalq aviabiletlərin bahalaşması ehtimalını artırıb. Beynəlxalq Aviaşirkətlər Assosiasiyası da yanacaq qiymətlərindəki kəskin dəyişikliklərin aviaşirkətlərin uçuş cədvəllərinə və tutumuna təsir etdiyini bildirir. Azərbaycan üçün də bu məsələ xüsusi əhəmiyyət daşıyır. Çünki Bakıdan beynəlxalq uçuşlarda, xüsusilə Yaxın Şərq üzərindən keçən marşrutlarda yanacaq xərcləri və alternativ marşrutların yaranması biletlərin qiymətinə təsir göstərə bilər.
Bəs, aviasiya yanacağının bahalaşması Azərbaycandan xarici ölkələrə uçuşların qiymətlərinə nə dərəcədə təsir göstərə bilər və bu artım xüsusilə turizm mövsümündə Azərbaycan vətəndaşlarının xaricə səfərlərinə, eləcə də ölkəyə gələn turistlərin sayına necə təsir edə bilər?
Məsələ ilə bağlı Sonxeber.az-a açıqlama verən turizm eksperti Rəhman Quliyev bildirib ki, Yaxın Şərqdə münaqişənin uzanması və aviasiya yanacağının bahalaşması 2027-ci ildə beynəlxalq aviabiletlərin qiymətlərinə ciddi təzyiq yarada bilər.
"Qlobal səviyyədə qiymətlərin 10 faizə qədər artması ehtimalı Azərbaycandan xarici ölkələrə uçuşların da bahalaşmasına səbəb ola bilər. Çünki yanacaq xərcləri aviaşirkətlərin ümumi əməliyyat xərclərində mühüm paya malikdir və bu artımın bir hissəsi sərnişinlərin ödədiyi biletlərə yansıya bilər. Xüsusilə yay mövsümündə və tələbatın yüksək olduğu istiqamətlərdə qiymət artımı daha qabarıq hiss oluna bilər. Bu vəziyyət Azərbaycan vətəndaşlarının xaricə səfərlərinə müəyyən qədər təsir göstərə, daha münasib qiymətli istiqamətlərə üstünlük vermələrinə və səfərləri daha erkən planlaşdırmalarına səbəb ola bilər".
Ekspert bildirib ki, qiymət artımı uzunmüddətli və əhəmiyyətli olarsa, bəzi vətəndaşların xarici səfərlərinin sayını azaltması da mümkündür:
"Eyni zamanda, Azərbaycana gələn xarici turistlər üçün də aviabiletlərin bahalaşması ölkənin səyahət xərclərini artıra bilər. Bu baxımdan Azərbaycan digər turizm istiqamətləri ilə rəqabətdə qiymət üstünlüyünü qorumağa çalışmalıdır. Bununla belə, aviabiletlərin bahalaşmasının turist axınına təsiri yalnız yanacaq qiymətindən deyil, otel və digər xidmətlərin qiymətlərindən, birbaşa uçuşların sayından və ölkənin turizm cəlbediciliyindən də asılı olacaq. Ümumilikdə, yanacaq bahalaşması 2027-ci ildə həm xaricə səyahət edən Azərbaycan vətəndaşları, həm də ölkəyə gələn turistlər üçün əlavə xərc yarada bilər, lakin bunun turizmə təsirinin miqyası bazardakı digər amillərdən asılı olacaq".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri