Ölən arvadının telefonuna baxan kişi gördükləri qarşısında şok oldu

16 illik həyat yoldaşını torpağa tapşırdıqdan sonra evə qayıdan kişi mərhum arvadının telefonunu yoxlayarkən həyatının ikinci böyük sarsıntısını yaşayıb.

Sonxeber.az xarici mediaya istinadla xəbər verir ki, sosial şəbəkələrdəki etiraf səhifələrindən birində paylaşdığı yazıda adını açıqlamayan kişi həyat yoldaşının son iki il ərzində başqa bir kişi ilə münasibətdə olduğunu öyrəndiyini bildirib. Onun sözlərinə görə, telefondakı mesajları araşdırdıqca arvadına yazan başqa şəxslərin də olduğunu və bu yazışmalarda "heç də yaxşı şeylərin" yer almadığını görüb.

Kişi həyat yoldaşının uzun müddət ondan gizli şəkildə "iki ayrı həyat" yaşadığını başa düşdüyünü və yaşadığı hissləri sözlərlə ifadə etməkdə çətinlik çəkdiyini deyib.

"İtkiməmi üzülüm, yoxsa bunları öyrəndiyiməmi, bilmirəm", - deyə o yazıb.

İndi isə kişi ciddi bir dilemma qarşısında qalıb. O, həyat yoldaşının xəyanətini və aşkar etdiyi yazışmaları mərhumun qohumlarına danışıb-danışmamaq barədə sosial şəbəkə istifadəçilərindən məsləhət istəyib.

"Sizcə, öyrəndiklərimi qohumları ilə paylaşmalıyam, yoxsa özümlə məzara aparmalıyam? Böyük dilemma qarşısındayam", - deyə kişi qeyd edib.

Paylaşım qısa müddətdə sosial şəbəkələrdə geniş müzakirələrə səbəb olub. İstifadəçilərin fikirləri isə iki yerə bölünüb. Bəziləri həqiqətin mərhumun yaxınları tərəfindən bilinməli olduğunu düşünərkən, digərləri qadının artıq həyatda olmadığını nəzərə alaraq onun xatirəsinə hörmət edilməsini və sirrin kişinin özündə qalmasını tövsiyə edib.

Telegramda izləyin