Tələbələrin yataqxana problemi necə həll edilməlidir? - AÇIQLAMA
Yeni tədris ili ərəfəsində xüsusilə bölgələrdən Bakıya gələn tələbələr üçün yataqxana məsələsi yenidən gündəmə gəlir. Mövcud yataqxana yerlərinin tələbatı tam qarşılamaması tələbələri daha yüksək kirayə xərcləri ilə üz-üzə qoya bilər.
Bəs, tələbə yataqxanalarının sayının artırılması və mövcud binaların yenilənməsi üçün hansı addımlar atılmalıdır? Dövlət, universitetlər və özəl sektor bu problemin həllinə necə cəlb oluna bilər və xüsusilə bölgələrdən Bakıya gələn tələbələr üçün əlçatan yataqxana imkanları necə genişləndirilə bilər?
Mövzu ilə bağlı Sonxeber.az-a açıqlama verən təhsil eksperti Elçin Əfəndi bildirib ki, Azərbaycanda tələbə yataqxanalarının çatışmazlığı, eləcə də mövcud yataqxanalarda yer məhdudiyyəti tələbələrin yerləşdirilməsi ilə bağlı ciddi problemlər yaradır.
"Bəzi yataqxanalarda Ermənistanın uzunmüddətli işğalı nəticəsində öz doğma torpaqlarından köçkün düşmüş vətəndaşların məskunlaşması da tələbələrin yataqxanalarla təmin olunmasına təsir göstərən amillərdəndir. Mövcud yataqxanaların sayının az olması ilə yanaşı, onların yerləşmə imkanlarının məhdudluğu da tələbələr üçün əlavə çətinlik yaradır. Bu səbəbdən tələbələrin yaşayış məsələsinin həlli üçün ayrıca tələbə şəhərciklərinin yaradılmasına ehtiyac var. Belə şəhərciklərdə yalnız tələbələrin yaşaması üçün nəzərdə tutulan yataqxanaların, sosial və digər zəruri imkanların yaradılması məqsədəuyğun olardı".
Ekspert bildirib ki, bu istiqamətdə özəl sektorun da prosesə cəlb edilməsi mümkündür:
"Özəl şirkətlər və sahibkarlar tələbələr üçün xüsusi yataqxanalar yarada, yaxud mövcud binalarda mənzilləri daha münasib qiymətlərlə tələbələrə kirayə verə bilərlər. Universitetlər də tələbələrin yataqxana ilə təmin olunması məsələsində daha fəal rol oynamalıdır. Çünki xüsusilə bölgələrdən paytaxta təhsil almağa gələn və ya paytaxtdan digər bölgələrə gedən tələbələr üçün yaşayış xərcləri ciddi maliyyə yükü yarada bilər. Tələbələrin münasib qiymətə yaşayış yeri ilə təmin edilməsi onların əlavə kirayə xərcləri ilə üzləşməsinin və təhsil müddətində maliyyə çətinliklərinin azalmasına kömək edə bilər".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri