OQTAY QASIMOV: " Son bir neçə il iki lider arasında ikili görüşlərin keçirilməsi prosesə kifayət qədər ciddi təkan verib"
Xəbər verildiyi kimi, Azərbaycan Prezidenti İlham Əliyev və Ermənistanın Baş naziri Nikol Paşinyan bu gün -31 avqust 2026-cı ildə Qırğızıstanın paytaxtı Bişkekdə görüşürlər. Görüşün əsas müzakirə mövzuları nələrdir , bu görüş sülh prosesinə hansı yeni impulsu verə bilər?
Siyasi şərhçi Oqtay Qasımov görüşlə bağlı Sonxeber.az-a açıqlama verib:
"Azərbaycan Prezidentinin Bişkekdə Paşinyanla görüşü maraqla gözlənilir və bu görüş artıq başlayıb. Şübhəsiz ki, iki lider arasında müzakirə olunacaq kifayət qədər məsələlər var. Düşünürəm ki, ilk növbədə keçən ilin 8 avqustunda Vaşinqtonda əldə olunmuş razılaşmalardan sonra atılmış addımlar müzakirə olunacaq və bu atılmış addımlarla bərabər həm də gələcək perspektiv müzakirə olunacaq. Nəzərə alsaq ki, keçən il Vaşinqton görüşməsindən sonra tərəflər arasında münasibətlər dinamik şəkildə inkişaf etməkdədir. Azərbaycan Ermənistana tətbiq olunmuş tranzit məhdudiyyətlərini aradan qaldırdı. Artıq Rusiyadan, Qazaxıstandan və digər ölkələrdən Ermənistana yüklər Azərbaycan ərazisindən keçməkdədir. Bundan başqa Azərbaycan Ermənistana yanacaq və enerji məhsulları satmaqdadır, ikitərəfli ticarət artıq başlanıb".
Şərhçiyə görə, liderlərin müzakirə edəcəyi məsələlər bir neçə əsas istiqamətdə olacaq. Həmçinin politoloq hesab edir ki,delimitasiya və demarkasiya prosesi ilə bağlı yeni razılaşmalar əldə oluna bilər:
"Bunlardan birincisi -heç şübhəsiz ki, kommunikasiyaların açılması ilə bağlı məsələ müzakirə olunacaq. Xüsusilə də, Zəngəzur dəhlizi, yəni "Trip" layihəsinin fiziki cəhətdən işlərə başlanması ilə bağlı zaman və digər məsələlər müzakirə olunacaq. Kommunikasiyaların açılması məsələsi, yəni bunun tərkib hissəsi olaraq müzakirə ediləcək, sərhədlərin delimitasiya və demarkasiya prosesi ilə bağlı şübhəsiz ki, müzakirələr aparılacaq və bu işin davam etdirilməsi ilə bağlı heç sübhəsiz ki, qərar qəbul olunacaq. Və ən önəmlisi, Ermənistanda referendumun keçirilməsi məsələsi gündəm mövzularından biri olacaq. Çünki bu görüşə qədər son bir həftədə Paşinyan tərəfindən bir neçə çox mühüm və maraqlı açıqlamalar verilib və bu açıqlamalardan da görünən odur ki, Ermənistan baş naziri Azərbaycanla sülh məsələsində kifayət qədər rasional davranır və regionda sülhün əldə olunması üçün imkan daxilində addımlar atmaqla bağlı açıqlamalar verir".
O.Qasımovun sözlərinə görə, bu açıqlamalar Azərbaycanda həm maraqla, həm də müsbət qarşılanıb. Və bu görüşdə də məhz elə o verilmiş mesajların axarına və tonuna uyğun olaraq müzakirə aparılacaq:
"Hər halda son bir neçə il iki lider arasında ikili görüşlərin keçirilməsi prosesə kifayət qədər ciddi təkan verib. Bu da gələcək proseslərin inkişafına mühüm təsir edəcək görüş kimi dəyərləndirilə bilər"
Lalə Məmmədova
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri