Azərbaycanın ŞƏT ilə əlaqələri ölkəmizin beynəlxalq əməkdaşlıq imkanlarını nümayiş etdirir
Şanxay Əməkdaşlıq Təşkilatı bu gün dünya miqyasında mühüm əhəmiyyətə malik, nüfuzlu platformalardan birinə çevrilib. Təşkilatın gündəliyində regional təhlükəsizlik, iqtisadi əməkdaşlıq, nəqliyyat-logistika və humanitar əlaqələr kimi qlobal əhəmiyyət daşıyan məsələlər dayanır. Bu baxımdan, dünyanın aparıcı dövlətlərinin təmsil olunduğu belə bir platformada yüksəksəviyyəli siyasi dialoqun və iqtisadi əlaqələrin formalaşması Avrasiya məkanında yeni əməkdaşlıq imkanları yaradır.
ŞƏT üzv ölkələri dünya əhalisinin və qlobal iqtisadiyyatın əhəmiyyətli hissəsini əhatə edir. Bu göstəricilər təşkilatın yalnız Avrasiya ilə məhdudlaşmayan, daha geniş coğrafiyada siyasi və iqtisadi proseslərə təsir imkanlarının olduğunu göstərir. Belə bir platformada Azərbaycanın iştirakı ölkəmizin xarici siyasətinin çoxvektorlu xarakterini və beynəlxalq əməkdaşlıq imkanlarını bir daha nümayiş etdirir.
Azərbaycan ŞƏT-ə üzv ölkələrin böyük əksəriyyəti ilə strateji tərəfdaşlıq və qarşılıqlı faydalı əməkdaşlıq münasibətlərinə malikdir. Ölkəmizin bu platformadakı əsas üstünlüklərindən biri enerji və nəqliyyat-logistika sahələrində malik olduğu imkanlardır. Azərbaycan həm enerji təhlükəsizliyinin təmin olunmasına, həm də Şərqlə Qərbi, Şimalla Cənubu birləşdirən nəqliyyat marşrutlarının inkişafına mühüm töhfə verir. Xüsusilə Orta Dəhliz Azərbaycanın Avrasiyanın nəqliyyat xəritəsində rolunu daha da artırır. Bu dəhliz artıq yalnız yükdaşımalar üçün nəqliyyat marşrutu deyil, eyni zamanda enerji, rəqəmsal kommunikasiya və digər strateji layihələrin reallaşdırıldığı mühüm bağlantı xəttinə çevrilir.
Azərbaycanın ŞƏT ölkələri ilə əməkdaşlığının digər mühüm istiqaməti enerji təhlükəsizliyidir. Ölkəmizin təbii qaz ixrac coğrafiyasının genişlənməsi və enerji resurslarının müxtəlif istiqamətlərə nəql olunması Azərbaycanın Avrasiyanın enerji təhlükəsizliyində rolunu gücləndirir. Nəqliyyat və enerji layihələrinin paralel inkişafı isə Azərbaycanın regionlararası bağlantılarda strateji mövqeyini möhkəmləndirir. Eyni zamanda, Mərkəzi Asiya və Azərbaycan arasında əməkdaşlığın dərinləşməsi, eləcə də Türk Dövlətləri Təşkilatının fəaliyyəti bu prosesdə əlavə dinamika yaradır. Mərkəzi Asiya ölkələri ilə Azərbaycan arasında formalaşan sıx əlaqələr Cənubi Qafqazı Mərkəzi Asiya ilə daha yaxından bağlayır. Bu isə həm ŞƏT çərçivəsində, həm də digər regional və beynəlxalq platformalarda yeni əməkdaşlıq imkanlarının yaranmasına xidmət edir.
Azərbaycanın müxtəlif çoxtərəfli formatlarda fəal iştirakı ölkəmizə həm milli maraqlarına uyğun iqtisadi və strateji layihələri təşviq etmək, həm də regional əməkdaşlığa töhfə vermək imkanı yaradır. Prezident İlham Əliyevin həyata keçirdiyi uğurlu xarici siyasət nəticəsində Azərbaycan Şərqlə Qərb, Şimalla Cənub arasında etibarlı tərəfdaş və mühüm bağlantı ölkəsi kimi mövqeyini daha da gücləndirir. Bu baxımdan, ŞƏT Azərbaycan üçün mühüm siyasi və diplomatik əhəmiyyət daşıyır. Belə platformalarda aparılan görüşlər və qurulan yeni əlaqələr Azərbaycanın beynəlxalq münasibətlər sistemində mövqelərinin möhkəmlənməsinə, regional əməkdaşlığın genişlənməsinə və gələcəkdə yeni iqtisadi layihələrin reallaşdırılmasına əlavə imkanlar yaradır.
Cavid Fərhadov - ehtiyatda olan polkovnik-leytenant,
Vətən müharibəsi qazisi
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri