Yeni tədris ili ilə bağlı məktəbli ailələrinin orta hesabla hansı xərcləri yaranır? - AÇIQLAMA

Yeni tədris ilinin başlaması ilə məktəbli ailələrinin qarşısında ənənəvi olaraq əlavə xərclər yaranır. Məktəbli forması, çanta, dəftərxana ləvazimatları, ayaqqabı və digər zəruri ehtiyacların alınması ailə büdcəsinə ciddi yük yarada bilər. Bu il də müxtəlif məktəb ləvazimatlarının qiymətlərində əvvəlki illə müqayisədə artım olduğu bildirilir.

Bəs, yeni tədris ili ilə bağlı məktəbli ailələrinin orta hesabla hansı xərcləri yaranır, bu xərclər ailə büdcəsinə nə qədər yük gətirir və məktəbli geyimi, çanta, dəftərxana ləvazimatları və digər zəruri məhsulların qiymətlərindəki artım ailələrin xərclərinə necə təsir edir?
Mövzu ilə bağlı Sonxeber.az-a açıqlama verən iqtisadçı ekspert Xalid Kərimli bildirib ki, məktəb ləvazimatlarında qiymət artımı müşahidə olunur.

"Lakin bu məhsulların ailə büdcəsində nə qədər pay tutduğunu hesablamaq mümkün deyil. Çünki bu, ailədən ailəyə dəyişir. Məsələn, bir ailə 50 manata çanta ala bilər, digər ailə isə əvvəlki ildən qalan çantadan istifadə edə bilər. Ona görə də bu məsələdə konkret rəqəm demək düzgün olmaz. Məktəbli çantaları və digər məktəb ləvazimatları qeyri-ərzaq məhsulları kateqoriyasına daxildir və ölkədə qeyri-ərzaq məhsullarının qiymətlərində artım müşahidə olunur. Dəftərxana və şəkil çəkmək üçün ləvazimatlar da qiymət indeksində öz əksini tapır. Bu məhsulların qiyməti bu ilin iyulunda ötən ilin iyuluna nisbətən 5,5 faiz artıb. Yəni məktəb ləvazimatlarının qiymətində ötən illə müqayisədə təxminən 5,5 faizlik bahalaşma var".

Röyalə Xəyal

Telegramda izləyin