Saatda eyni rəqəmlər niyə gözümüzə dəyir? - Səbəbi açıqlandı

Saatda eyni rəqəmlər niyə gözümüzə dəyir? - Səbəbi açıqlandı11:11-də arzu tuturuq, 13:13-ü görəndə ehtiyatlanırıq, 17:17 isə bəzilərinə kainatın hansısa mesaj verdiyini düşündürür. Bəs təsadüfi rəqəm uyğunluqlarında taleyin işarəsi axtarmağımızın səbəbi nədir və bu, psixoloji baxımdan nə dərəcədə normaldır?

Lent.az xarici mediaya istinadla xəbər verir ki, psixologiya elmləri namizədi Janat Birjanova insanların saatda 11:11, 14:14 və ya 17:17 kimi eyni rəqəmləri görməyə xüsusi məna verməsinin səbəblərini izah edib.

Mütəxəssisin sözlərinə görə, insan beyni təsadüflər arasında əlaqə qurmağa və hadisələrdə müəyyən qanunauyğunluq tapmağa meyllidir. Dünya nə qədər nizamsız və qeyri-müəyyən görünürsə, insan onu izah etməyə və nəzarət hissi yaratmağa bir o qədər çox ehtiyac duyur.

Psixoloq bildirib ki, bəzi insanlar üçün eyni rəqəmləri görmək narahatlığı azaltmağın bir üsuluna çevrilə bilər. Məsələn, 11:11-i görən şəxs bunu yaxşı əlamət kimi qəbul edərək hər şeyin yaxşı olacağına özünü inandıra bilər.

Onun fikrincə, rəqəmlərə mistik məna vermək müəyyən hallarda insana psixoloji rahatlıq gətirsə də, bunun həyati qərarların əsasına çevrilməsi düzgün deyil.

Nə vaxt təhlükəli ola bilər?
Mütəxəssis qeyd edir ki, insan 07:07-ni görüb sadəcə gülümsəyir, arzu tutur və gündəlik həyatına davam edirsə, bunda ciddi problem yoxdur.

Lakin "15:15 gördüm, deməli razılaşmalıyam", "istədiyim rəqəmi görmədim, deməli bunu etməməliyəm" və ya "03:03 xəbərdarlıqdır, səfəri ləğv edirəm" kimi yanaşmalar artıq insanın davranışına təsir göstərməyə başlayır.

Psixoloqun sözlərinə görə, zərərsiz görünən rituallar narahatlığı azaltmağa xidmət edə və zaman keçdikcə vərdişə çevrilə bilər. Əgər insan qərarlarını bu rituallara əsasən verməyə başlayırsa, bu, artıq sağlam yanaşmadan uzaqlaşmaq deməkdir.

Narahatlıq artdıqca "işarələr" də çoxalır
İnsanların xüsusilə yeni iş, münasibətlərin bitməsi, köç, maliyyə problemləri, çətin seçim və mühüm qərar gözləmək kimi qeyri-müəyyən dövrlərdə "işarələrə" daha çox diqqət yetirdiyi bildirilir.

Birjanovanın sözlərinə görə, insan nə baş verəcəyini bilmədiyi zaman taledən və ya kainatdan təsdiq almağa ehtiyac duyur. Bu isə müvəqqəti olaraq narahatlığı azalda bilər.

Psixoloq vurğulayıb ki, insanın əvvəlcədən inandığı fikirlər də onun ətrafındakı məlumatları necə qəbul etməsinə təsir edir. Şəxs müəyyən bir ideyaya inanırsa, beyni şüurlu və ya şüursuz şəkildə həmin inancı təsdiqləyən nümunələri daha çox seçməyə başlayır.

Məsələn, kimsə müasir dünyadakı problemlərin əsas səbəbinin telefon və sosial şəbəkələr olduğuna inanırsa, gündəlik həyatda məhz bu fikri təsdiqləyən hadisələrə daha çox diqqət yetirəcək. Halbuki problemin real səviyyəsi dəyişməyə də bilər.

Mütəxəssis insanların rəqəmlərdən və "işarələrdən" daha çox öz daxili narahatlıqlarını anlamaq üçün istifadə etməsinin faydalı ola biləcəyini deyib.

Onun sözlərinə görə, belə anlarda insan özündən "mən hazırda nədən qorxuram?", "niyə təsdiqə ehtiyac duyuram?" və "məni həqiqətən nə narahat edir?" kimi suallar soruşmalıdır.

Psixoloqlar bildirirlər ki, saatda təkrarlanan rəqəmlərin gələcəyi proqnozlaşdırdığı və ya kainatdan obyektiv mesaj daşıdığına dair elmi sübut yoxdur. Bununla belə, həmin rəqəmlərə verdiyimiz məna öz qorxularımız, ümidlərimiz və gözləntilərimiz haqqında müəyyən məlumat verə bilər.


Sonxeber.az
Telegramda izləyin
Maraqlı   Baxılıb: 411   Tarix: 20 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Hər kəs xeyirli hesab edir, ən riskli ət növü açıqlandı

Bəzi ət növlərinin yüksək doymuş yağ və duz tərkibi ilə ürək-damar sağlamlığına mənfi təsir göstərə biləcəyini vurğulayan mütəxəssislər xüsusilə 4 ət növünün istehlakında diqqətli olmağı tövsiyə edirlər. xəbər verir ki, yağlı ət hissələrinin və emal olunmuş məhsulların həddindən artıq istehlakı "pi

7 noyabr
.

Qaralan kafel aralarını evdəki tək materialla təmizləyin

Kafel aralarında zamanla yaranan qaralmalar üçün bahalı təmizlik vasitələrinə ehtiyac qalmır. Evdə olan tək bir materialla təmizlik artıq daha asan olacaq. xəbər verir ki, vanna otağı və mətbəxlərdə zamanla qaralan kafel araları təmizlik edilsə də, istənilən görüntünün əldə edilməsini çətinləşdirə bilər

14 noyabr
.

Romanovların əfsanəvi sapfiri rekord qiymətə satıldı

Bir vaxtlar Rusiya İmperiyasının kral zinət əşyaları kolleksiyasına daxil olan nəhəng sapfirin yerləşdiyi nadir bilərzik İsveçrənin Cenevrə şəhərində keçirilən hərracda gözləntiləri iki dəfədən çox üstələyərək 4,9 milyon dollara alıcı tapıb. "Qafqazinfo" xəbər verir ki, "Sotheby's"

14 noyabr
.

İnsan ölənə yaxın bu 4 sözü deyir - "Səni sevirəm"...

İnsan həyatının son anlarında nələr düşünür və hansı sözləri deməyə çalışır? Uzun illər ağır xəstələrlə çalışan məşhur onkoloq insanların ölümə yaxın vaxtlarda ən çox işlətdikləri dörd ifadəni açıqlayıb. xarici mediaya istinadla xəbər verir ki, tanınmış onkoloq, yazıçı və Pulitser mükafatı laureatı Siddharth

15 noyabr
.

Ölümdən iki gün əvvəl orqanizmdə nə baş verir?

Həyatın son 48 saatında insan orqanizmi həyati funksiyalarını qorumaq qabiliyyətini tədricən itirir. Həyatın son 48 saatında insan bədəni nəzərəçarpacaq dəyişikliklərə məruz qala bilər. İnsan zəifləyir, daha çox yatır, yeməyə az maraq göstərir və nəfəs alma və qan dövranı tədricən dəyişir. Bu təzahürlə

15 noyabr
.

Evdə açarı üç yerə qoymayın: xalq inancları nə deyir?

Xalq inanclarına görə, açarların evdə saxlanıldığı yer ailənin rifahına və evdəki harmoniyaya təsir göstərə bilər. Evimizin və ya mənzilimizin açarlarını çox vaxt əlimizə rahat gələn yerlərə - mətbəx masasına, güzgünün qarşısına və ya giriş qapısının yaxınlığına qoyuruq. Lakin xalq inanclarında açarları

15 noyabr
.

Köhnə fleşkartı atmayın: 5 faydalı istifadə üsulu

Bir vaxtlar faylların saxlanılması və ötürülməsi üçün ən çox istifadə olunan USB fleşkartlar indi əvvəlki qədər populyar deyil. Lakin evdə qalan köhnə fleşkartları atmağa tələsməyin. fləşkartın kompüterin təhlükəsizliyini artırmaqdan tutmuş avtomobildə musiqi dinləməyə qədər yenidən istifadə etməyi

14 noyabr
.

Qadınlar kişilərdən daha çox üşüyür - SƏBƏB

Alimlər qadınların soyuğu kişilərdən daha tez hiss etməsinin və daha isti mühitə üstünlük verməsinin mümkün bioloji səbəbini araşdırıblar. Tədqiqatın nəticələrinə görə, temperaturun qavranılmasına testosteron və dərinin sinir uclarında yerləşən xüsusi zülal reseptorları təsir göstərə bilər. xarici mediay

15 noyabr
.

"Powerbank"dakı gizli düymə nə üçündür?

Smartfonların enerjisini istənilən yerdə doldurmağa imkan verən portativ enerji cihazları gündəlik həyatımızın ayrılmaz hissəsinə çevrilib. Lakin powerbank istifadəçilərinin çoxu cihazın üzərindəki kiçik düymənin əslində hansı funksiyaları yerinə yetirdiyini bilmir. xarici mediaya istinadla xəbər veri

15 noyabr