Mənzilini kirayə verən şəxslərin NƏZƏRİNƏ: Bu VACİBDİR
Mənzilini kirayəyə verən şəxslər üçün yalnız vergi öhdəliklərinin yerinə yetirilməsi deyil, kirayəçi ilə münasibətlərin hüquqi şəkildə rəsmiləşdirilməsi də mühüm əhəmiyyət daşıyır. Yazılı müqavilə tərəflərin hüquq və öhdəliklərini, kirayə haqqını, ödəniş qaydasını, müqavilənin müddətini və mənzildən istifadə şərtlərini dəqiq müəyyənləşdirməyə imkan verir.
Bəs, mənzilini kirayəyə verən şəxslər üçün kirayəçi ilə yazılı müqavilə bağlamaq nə dərəcədə vacibdir və müqaviləsiz, yalnız şifahi razılaşma əsasında mənzilin kirayəyə verilməsi ev sahibinə hansı hüquqi və maliyyə risklərini yarada bilər?
Mövzu ilə bağlı Sonxeber.az-a açıqlama verən vergi eksperti Vəli Əliyev bildirib ki, əgər əmlak mülkiyyətçisi əmlakını kirayə verərsə və həmin kirayədən əldə edilən gəlir bəyan olunacaqsa, bütün hallarda həmin əmlakın kirayəsi üzrə yazılı müqavilə bağlanmalıdır. Çünki istənilən daşınmaz əmlakla bağlı, istər kirayə, istərsə də icarə müqaviləsi bağlanan zaman Vergi Məcəlləsinin tələbinə görə həmin əmlak həm icarəyə verən, həm də icarəyə götürən tərəfindən vergi orqanında uçota alınmalıdır.
"Bunun üçün obyekt kodu verilir. Obyektin vergi orqanında uçota alınması üçün əsasən iki şey tələb olunur: yazılı ərizə və həmin əmlakdan istifadəni təsdiq edən icarə və ya kirayə müqaviləsi. Yəni əgər bu əmlak bəyan olunacaqsa, həmin əmlak vergi orqanında uçota alınmalıdır. Vergi orqanında uçota alınacaqsa, yazılı müqavilə əsasında uçota alınmalıdır. Əks halda həmin obyekti vergi orqanında uçota qoymaq mümkün deyil. Amma təcrübəni bilirik ki, bizdə adətən "centlmen sazişləri" bağlanır. İstər əmlakı kirayə verən, istərsə də kirayəyə götürən şəxs şifahi razılaşma əsasında hərəkət edir. Bunun da təbii ki, gələcəkdə hər hansı mübahisə yarandıqda riskləri var. Hər iki tərəf öz hüquqlarını müdafiə etməkdə çətinlik çəkir, çünki həmin əqd yazılı formada olmur. O baxımdan gələcəkdə yarana biləcək hər hansı mübahisənin qarşısını almaq üçün həmin müqavilələrin yazılı şəkildə bağlanması birmənalı şəkildə zəruridir və vacibdir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri