The Guardian: "Süni intellekt maliyyə sisteminə təhlükə yarada bilər"

İngiltərə Bankının rəhbəri Endryu Beyli süni intellekt sahəsində nəzarət mexanizmlərinin saxlanılmasına çağırıb. O bildirib ki, sürətlə inkişaf edən süni intellekt sistemləri maliyyə sabitliyi üçün yeni risklər yarada bilər.

Sonxeber.az The Guardian-a istinadən xəbər verir ki, Beylinin sözlərinə görə, xüsusilə süni intellekt sistemlərinin kiberhücumların daha mürəkkəb və təhlükəli olmasına şərait yaratması maliyyə sektorunda narahatlıq doğurur. Belə hücumlar bank xidmətlərinə və maliyyə bazarlarının fəaliyyətinə təsir göstərə bilər.

İngiltərə Bankının Maliyyə Siyasəti Komitəsi də süni intellekt sektorunda borclanmanın sürətlə artmasına diqqət çəkib. Məlumata görə, AI ilə əlaqəli borclanmanın həcmi bu il 450 milyard dollara çatıb.

Beyli süni intellektlə bağlı yeni qaydaların tələsik hazırlanmasından əvvəl sistemlərin daha ciddi sınaqdan keçirilməsini və mümkün risklərin müəyyənləşdirilməsini təklif edib. Onun fikrincə, tənzimləyici qurumların zərurət yarandıqda müdaxilə etmək imkanını qoruması vacibdir.

Müəllif: İlkin Məmmədkərimov

Telegramda izləyin