İkinci təhsilə maraq ARTIR: Səbəb NƏDİR? - AÇIQLAMA
Son dövrlərdə ikinci ali təhsil almaq istəyənlərin sayında artım müşahidə olunur. İnsanlar karyera istiqamətini dəyişmək, yeni ixtisas əldə etmək və əmək bazarında daha geniş imkanlar qazanmaq üçün ikinci dəfə ali təhsil almağa üstünlük verirlər. Əmək bazarında yeni ixtisaslara və bacarıqlara tələbatın artması da bu marağın əsas səbəblərindən biri hesab olunur.
Bəs, son dövrlərdə ikinci ali təhsilə marağın artmasının əsas səbəbləri nələrdir, insanları ikinci dəfə ali təhsil almağa daha çox hansı amillər sövq edir və bu tendensiya əmək bazarındakı dəyişikliklərlə nə dərəcədə bağlıdır?
Mövzu ilə bağlı Sonxeber.az-a açıqlama verən təhsil eksperti Məzahir Məmmədli bildirib ki, Azərbaycanda ikinci təhsil adətən yaranmış şəraitdən və vəziyyətdən asılı olur:
"Məsələn, bir şəxs öz perspektivini iqtisadiyyat sahəsində görürsə, aldığı ixtisasdan kənara çıxaraq iqtisadiyyat üzrə ikinci ixtisas almaq istəyir. Yaxud iqtisadiyyat və ya pedaqoji sahə üzrə ixtisaslaşmış şəxs gələcəkdə özünü perspektivli işdə, məsələn, hüquq-mühafizə orqanlarında görürsə, ikinci ixtisas kimi hüququ seçə bilər. Amma son vaxtlar müşahidə etdiyimiz ciddi bir fakt var. Daha çox yüksək vəzifə tutan, millət vəkilləri və dövlət qulluğunda müəyyən mərhələyə gəlib çatmış şəxslər ikinci ixtisasa müraciət edirlər. Bəziləri dövlət qulluğunda daha prestijli ixtisaslardan biri olan Dövlət İdarəçilik Akademiyasına üz tuturlar, digərləri isə gələcəkdə hüquq sahəsində inkişaf etmək üçün hüquq ixtisasını seçirlər".
Ekspert bildirib ki, heç təsadüfi deyil ki, keçən il Azərbaycanda hüquq ixtisasının illik təhsil haqqı 7000 manata qədər artırıldı:
"Əlbəttə, bu, tələb və təklif məsələsidir. Təhsil müəssisələri görürlər ki, həmin şərtləri qəbul edən, xüsusilə yüksək vəzifə tutan şəxslər var və onlar bu ixtisasa daha çox müraciət edirlər. Millət vəkillərinin də nədənsə ikinci ixtisas üzrə özlərini sınamağa daha çox maraq göstərdikləri müşahidə olunur. Bu da müəyyən mənada onu göstərir ki, onlar sonrakı mərhələni düşünərək əmək bazarında gələcək üçün özlərinə iş imkanları yaratmağa çalışırlar. Amma ümumilikdə orta statistik azərbaycanlı ikinci ixtisas dalınca getmir. Çünki onun üçün əmək bazarında öz ixtisasına uyğun iş tapmaq və həmin sahədə çalışmaq kifayət edir. Azərbaycanda ikinci ixtisasa daha çox həvəs və maraq göstərənlər isə, qeyd etdiyim kimi, əsasən vəzifəli şəxslər və millət vəkilləridir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri