A frame ev tikintisi üçün torpaq sahəsi necə seçilməlidir?

A frame ev tikmək üçün torpaq axtararkən sahənin relyefi, torpağın quruluşu və tikilinin yerləşəcəyi hissə nəzərə alınmalıdır. Düz və ya az maili ərazi tikinti işlərini asanlaşdırır, çox maili və nəm torpaq isə əlavə qazıntı, drenaj və fundament işləri tələb edə bilər. Sahəyə girişin olması, su və elektrik xətlərinin çəkilməsi imkanları da a frame ev tikən zamanı torpaq seçimi də mühüm rol oynayır.

Torpağın relyefi A frame evə necə təsir edir?

Düz və ya az maili sahədə fundamentin hazırlanması daha rahat olur. Kəskin yamac olan ərazidə isə torpağın qazılması, səviyyələndirilməsi, istinad divarlarının qurulması və suyun istiqamətləndirilməsi kimi əlavə işlər yarana bilər.
A frame ev yamacda da tikilə bilər. Belə layihələrdə evin yerləşmə istiqaməti və fundament həlli sahənin quruluşuna uyğun hazırlanmalıdır. Torpağı tamamilə düzləşdirmək əvəzinə layihəni relyefə uyğunlaşdırmaq bəzi hallarda daha məqsədəuyğun olur.

Fundamentdən əvvəl torpaq sahəsində nə yoxlanmalıdır?

Tikintidən əvvəl torpağın daşıma qabiliyyəti, qruntun quruluşu və yeraltı su səviyyəsi nəzərə alınmalıdır. Yumşaq, dolğu və ya həddindən artıq nəm torpaqda standart fundament həllini yoxlamadan tətbiq etmək düzgün deyil. Fundament növü evin ölçüsü, konstruksiyanın çəkisi və torpaq göstəricilərinə əsasən müəyyən edilir.
Torpaq hazırlığı və sadə fundament işlərinin dəyəri layihəyə görə dəyişir. Kiçik A frame evlərdə yalnız sahənin hazırlanması və qazıntı işləri bir neçə yüz manatdan başlaya bilər, fundament daxil olan işlər isə bir neçə min manata çata bilər. Məbləğ sahəyə, fundament növünə, materiala, relyefə və görüləcək işin həcminə görə dəyişir.

Sahənin ölçüsü yalnız evin sahəsinə görə hesablanmamalıdır

Sahəsi 50-70 m² A frame ev üçün torpaq sahəsində yalnız tikilinin oturacağı nəzərə alınmır. Evin ətrafında keçid, tikinti materiallarının daşınması, texnikanın işləməsi, avtomobil girişi və həyətdən istifadə üçün də yer qalmalıdır.
Evin dam hissəsi aşağıya doğru uzandığı üçün konstruksiyanın xarici ölçüləri a frame ev tikintisi olanda dəqiq göstərilməlidir. Evin torpaqda yerləşdirilməsi məhz həmin ölçülər əsasında aparılır.

Yağış suyunun axdığı istiqamət nəzərə alınmalıdır

A frame konstruksiyasında dam səthi böyük olduğundan yağış suyu damın iki tərəfinə axır. Buna görə evin kənarında suyun fundamentə yığılmasına imkan verilməməlidir. Sahədə təbii maillik varsa, suyun evdən uzaq istiqamətə ötürülməsi nəzərdə tutulur.
Torpaq aşağı səviyyədədirsə və ətraf ərazilərdən su həmin nöqtəyə yığılırsa, drenaj və əlavə torpaq işlərinə ehtiyac yarana bilər. Fundamentin ətrafında suyun qalması həm izolyasiyaya, həm də konstruksiyanın aşağı hissələrinə mənfi təsir göstərə bilər.

Evin sahədə hansı istiqamətdə yerləşdirilməsi vacibdir?

A frame evlərdə ön və arxa fasadda geniş şüşələnmə tez-tez istifadə olunur. Buna görə evin istiqaməti layihə hazırlanarkən nəzərə alınmalıdır. Pəncərələrin yerləşməsi günəş işığının otaqlara düşməsinə və evin daxilində temperaturun dəyişməsinə təsir edir.
Sahədə ağaclar, qonşu tikililər və digər maneələr varsa, onların kölgə yaratması da nəzərə alınır. Evin giriş hissəsi isə avtomobil və piyada girişinə uyğun tərəfdə yerləşdirilə bilər.

Elektrik, su və kanalizasiya imkanları yoxlanmalıdır

Torpaq seçərkən elektrik xəttinin, su təminatının və kanalizasiya həllinin necə qurulacağı əvvəlcədən müəyyənləşdirilməlidir. Mərkəzi kanalizasiya olmayan ərazidə septik sistem üçün ayrıca hissə ayrılması lazım gələ bilər.
Su xətti uzaqdadırsa və ya elektrik bağlantısı üçün əlavə xətt çəkilməlidirsə, tikintidən kənar əlavə işlər yaranır. Buna görə kommunikasiya xətlərinin evə haradan daxil olacağı layihədə nəzərə alınmalıdır.

Tikinti texnikasının sahəyə girişi mümkün olmalıdır

A frame evin karkası, taxta materialları, şüşə paketləri, dam örtüyü və digər iri materiallar sahəyə avtomobillə gətirilir. Dar və ya çətin keçilən yol materialların daşınmasını çətinləşdirə bilər.
Beton işi nəzərdə tutulursa, betonqarışdıran avtomobilin sahəyə yaxınlaşması da nəzərə alınmalıdır. Sahənin girişində kəskin döngə, çox dar keçid və ya böyük hündürlük fərqi varsa, tikinti başlamazdan əvvəl daşınma üsulu müəyyənləşdirilir.

Torpaq alındıqdan sonra layihə sahəyə uyğun hazırlanmalıdır

A frame ev üçün hazır layihəni istənilən torpaq sahəsinə dəyişiklik etmədən tətbiq etmək uyğun olmaya bilər. Evin eni, uzunluğu, mərtəbəsi, fundamenti, giriş hissəsi və şüşələnməsi konkret sahənin ölçülərinə və relyefinə uyğunlaşdırılmalıdır.
Tikintiyə keçməzdən əvvəl evin torpaqda yerləşəcəyi hissə ölçülür. Fundament nöqtələri müəyyən edilir və kommunikasiya xətləri planlaşdırılır. Bundan sonra fundament, karkas, dam, izolyasiya və daxili işlər mərhələli şəkildə görülərək ev təhvilə hazırlanır.

Telegramda izləyin